गगन थापाको टिप्पणी: नीति तथा कार्यक्रम असन्तुष्ट सचिवहरुको ‘कम्पाइल डकुमेन्ट’!

राजनीति

नेपाल लाइभ बुधबार, जेठ १०, २०८० १२:३१

काठमाडौं– नेपाली कांग्रेसका महामन्त्री तथा सांसद गगन थापाले सरकारको नीति तथा कार्यक्रम असन्तुष्ट सचिवहरुको कम्पाइल मात्रै रहेको बताएका छन्। चाहेको ठाउँमा सरुवा हुन नपाएका प्रधानमन्त्री कार्यालयमा रहने सचिवहरुले विभिन्न मन्त्रालयबाट आएका विषय कम्पाइल गरेर नीति तथा कार्यक्रम बन्ने उल्लेख गर्दै थापाले यसलाई परिवर्तन गर्नुपर्ने बताएका छन्।

उनले भने, ‘मन्त्रालयको योजना शाखाले फागुन, चैततिर मातहतका निकायलाई सन्देश पठाउँछ- नीति तथा कार्यक्रममा राख्नुपर्ने पठाउनुहोस्। कम्पाइल पठाइन्छ। प्रधानमन्त्री कार्यालयमा केही सचिव हुनुहुन्छ, जो मेरो ठीक ठाउँमा सरुवा भएन भनेर झोक्र्याएर बस्नुभएको हुन्छ। उहाँहरुको समूह बनाएर कम्पाइल गराइन्छ। त्यसैलाई नीति तथा कार्यक्रम भनिन्छ।’

नीति तथा कार्यक्रममा सबैकुरा भएको, तर केही पनि नरहेको जस्तो देखिने उनले बताए। त्यसका लागि निश्चित होमवर्क नहुने भएकाले त्यस्तो हुने उनको भनाइ छ। उनले थपे, ‘हेर्दा सबैथोक छ, राम्रोसँग हेर्‍यो भने केही पनि छैन।’

प्रधानमन्त्रीको भाषण सुन्दा सबै कुरा थाहा भएजस्तो हुने, तर प्रधानमन्त्रीलाई केही थाहा नहुने उनले बताएका छन्। त्यो बयानबाजी मात्रै हुने उनको भनाइ छ। ‘सरकार आउँछ, मन्त्रीले सचिवको ब्रिफिङ लिन्छ। त्यही कुरा सुनेर निर्देशन र घोषणा गर्छ। त्यही निर्देशन र घोषणा वरिपरी हामी प्रतिक्रिया दिन्छौं। रुमलिन्छौं,’ उनले भने।

उनले सरकारको नीति तथा कार्यक्रम चैतमा आउनुपर्ने बताए। वैशाख र जेठलाई बजेट कार्यान्वयनका लागि चाहिने कानुन निर्माणको समय बनाउनुपर्ने उनको धारणा छ। कांग्रेसका अर्का महामन्त्री तथा सांसद् विश्वप्रकाश शर्मा र आफूले त्यस खालको कार्यतालिका सरकारलाई बुझाएको उनको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फागुन ५ मा प्रधानमन्त्री ओलीले लुम्बिनी प्रदेशसभा बैठकमा सम्बोधन गर्ने

फेसबुकमा नकारात्मक कमेन्ट र शेयर नगर्न कार्यकर्तालाई परराष्ट्रमन्त्री राणाको अनुरोध

चलचित्रसम्बन्धी अध्ययनका लागि छात्रवृत्ति