काठमाडौं– सातै प्रदेशका मुख्यमन्त्रीहरुको गण्डकी प्रदेशमा हुन लागेको भेला स्थगित भएको छ।
गण्डकी प्रदेश सकार, मुख्यमन्त्री तथा मन्त्रिपरिषद्को कार्यालयको आयोजनामा प्रदेश सरकारको अनुभव आदन–प्रदान गर्ने भन्दै बुधबार अन्तर प्रदेश मुख्यमन्त्रीको बैठक राखिएको थियो।
उक्त बैठकको उद्घाटन प्रधानमन्त्री पुष्पकमल दाहाल प्रचण्डले गर्ने भनिएको थियो। तर कार्यक्रम सुरु हुनुभन्दा एक दिनअघि स्थगित गरिएको सूचना गण्डकी प्रदेशका मुख्यमन्त्री सुरेन्द्रराज पाण्डेको सचिवालयले प्रकाशित गरेको छ।
देशको आर्थिक अवस्था र सत्ता गठबन्धनको काम प्रभावकारी नभएको, केन्द्र र प्रदेशबीचमा समन्वयन नहुँदा काममा समस्या भएको गुनासो आइरहेको समयमा अन्तर प्रदेश मुख्यमन्त्रीको बैठकले झन् आलोचना बढाउने देखेपछि केन्द्र सरकारले चासो राखेको थियो।
शीर्ष तहमा पनि उक्त बैठकबारे छलफल भएको थियो। उक्त भेलामा केन्द्रीय सरकारको भूमिकामाथि आलोचना हुने र छिट्टै बजेट पनि ल्याउनुपर्ने अवस्था भएकाले प्रधानमन्त्रीले नै उक्त कार्यक्रम स्थगित गर्न आग्रह गरेका थिए।
सरकारमाथि प्रमुख प्रतिपक्ष नेकपा एमालेसहितले आलोचना गरिरहेको समयमा उक्त भेलाले थप आलोचना बढाउने केन्द्र सरकारको निष्कर्ष थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1738927672.png)
