माधव नेपाल (फाइल तस्बिर)
काठमाडौं– सत्ता गठबन्धनको दल नेकपा एकीकृत समाजवादीका अध्यक्ष माधव कुमार नेपालले प्रमुख प्रतिपक्षी दल नेकपा एमालेका अध्यक्ष केपी शर्मा ओलीले सरकारको नीति तथा कार्यक्रममाथि गरेको टिप्पणीलाई ‘व्यक्तिगत पीडा र व्यथा’को संज्ञा दिएका छन्।
ओलीले आइतबार प्रतिनिधि सभा बैठकमा गरेको सम्बोधनमार्फत् आफ्नो पीडा र व्यथा मात्रै पोखेको नेपालको भनाइ छ। सोमबार प्रतिनिधि सभा बैठकमा बोल्दै नेपालले ओलीको नाम लिइनन्, तर आफ्नो पीडा र व्यथा पोखेर मात्रै केही नहुने भन्दै अप्रत्यक्ष रुपमा ओलीको आलोचना गरे।
आइतबार प्रतिनिधि सभा बैठकमा लामो भाषण गरेका ओलीले सरकारले संसद्मा पेस गरेको नीति तथा कार्यक्रम स्वीकार गर्न नसकिने भन्दै पुनर्लेखन गर्न माग गरेका थिए। सोमबार प्रतिनिधि सभा बैठकमा नीति तथा कार्यक्रममाथिको छलफलमा भाग लिँदै नेपालले ओलीको सो अभिव्यक्ति अरुलाई खोचपेज हुने गरी आएको भन्दै आलोचना गरे।
सरकारमा रहन नसक्नुको कारणबारे पनि अरुलाई दोष नदिन नेपालले ओलीलाई सचेत गराए। ओलीले आफ्नो सम्बोधनमा अरुलाई सत्तोसराप गरेको र आफ्नो कमजोरी भने स्वीकार नगरेको नेपालले टिप्पणी गरे।
ओलीमा व्यक्तिवाद रहेको र त्यो सबैभन्दा ठूलो समस्या रहेको पनि नेपालले दोहोर्याए। अध्यक्ष नेपालले भ्रष्टचारको जालोलाई तोड्ने काम गर्न प्रधानमन्त्री पुष्पकमल दाहाल प्रचण्डलाई सुझाव दिए।
अध्यक्ष नेपालले सरकारले ल्याएको नीति तथा कार्यक्रम सकारात्मक रहेको उल्लेख गर्दै त्यसको कार्यान्वयनमा जोड दिनुपर्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
