काठमाडौं– बुधबारदेखि उखु किसान माइतीघर मण्डलामा आन्दोनरत छन्। उद्योगीले किसानको उखुको १२ करोड रुपैयाँ भुक्तानी नगरेपछि कपिलवस्तुका किसान काठमाडौंमा आएर भुक्तानीको माग गर्दै माइतीघरमा आन्दोलन गर्न बाध्य भएका हुन्।
कपिलवस्तु किसान संघ तथा उखु किसान संघर्ष समितिका अध्यक्ष अनुप कुमार चौधरीले कपिलवस्तुको जवाभारीस्थित महालक्ष्मी सुगर्स प्राइभेटले ८ हजार उखु किसानको झन्डै १२ करोड रुपैयाँ भुक्तानी नगरेको बताए। भुक्तानी नपाएसम्म घर नफर्किने अडान लिएको उनले बताए।
‘आर्थिक वर्ष २०७१/७२ सालमा सरकारले उखु किसानलाई प्रतिक्विन्टल २५ रुपैयाँ अनुदान दिएको थियो। त्यतिबेला सबै जिल्लाका किसानले अनुदान वापतको रकम पाए। हामी कपिलवस्तु जिल्लाका किसानले पाएनौं। हामी कृषि मन्त्रालय, उद्योग मन्त्रालय, सबै मन्त्रालयमा पुग्यौं तर पाएनौं। अर्थमन्त्रालयले सम्बन्धित उद्योगलाई दिइसकेको भनेर हामीलाई एउटा पत्र दियो। तर यता उद्योगीले पनि ल्याएको छैन भनेर विज्ञप्ति निकाले। त्यो किसानलाई सरकारले दिएको अढाई करोड रुपैयाँ कसले लग्यो पत्तो छैन,’ चौधरीले भने।
अनुदानको रकम उद्योगीको हातमा दिने सरकारको ठूलो गल्तीका कारण किसानले अनुदानको रकम पाउन नसकेको उनले गुनासो गरे। महालक्ष्मीले २०६९ देखि २०७४ सम्म उखु लिएर किसानको साढे १० करोड रुपैयाँ भुक्तानी दिएको छैन। आर्थिक वर्ष २०७१/०७२ मा सरकारले चिनी उद्योगमार्फत् दिएको अढाई करोड रुपैयाँ अनुदान पनि उद्योगीले किसानलाई नदिएको चौधरीले बताए।
उखु किसान २०६९ देखि आन्दोलित छन्। किसानले २०७७ सालमा १७ दिन माइतीघरमा धर्ना दिएका थिए। त्यसयताका सरकारले भुक्तानी गराइदिने भन्दै किसानलाई आश्वासन दिएर घर पठाइएको थिए। तर, अहिलेसम्म पनि उद्योगीले उखुको रकम र अनुदान भुक्तानी दिएको छैनन्। सरकारसँग न्यायको माग गर्दै किसानहरू बुधबार काठमाडौं आइपुगेका हुन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
