यस वर्ष मल र बिउ अभावको समस्या हुँदैन: प्रधानमन्त्री प्रचण्ड

कृषि

नेपाल लाइभ बिहीबार, जेठ ४, २०८० १४:०५

काठमाडौं– प्रधानमन्त्री पुष्पकमल दाहाल (प्रचण्ड)ले यस वर्ष धानको बिउ र मल अभावको समस्या नहुने बताएका छन्। बिहिबार प्रतिनिधि सभाको बैठकमा सांसदहरुले सोधेका प्रश्नको जवाफ दिँदै प्रधानमन्त्रीले यस्तो बताएका हुन्।

‘कृषिको उत्पादन र उत्पादकत्व मौसमी प्रणालीमा आधारित रहेको आएको छ। रासायनिक मल अभाव हुन नदिन नेपालमै रासायनिक मल उत्पादन गर्नका लागि गम्भीर ढङ्गले अध्ययन भइरहेको म अवगत गराउन चाहामन्छु,’ उनले भने।

सर्वसुलभ ढङ्गले मल उपलब्ध गराउन रासायनिक अनुदान दिनका साथै भारत सरकारसँग खरिदको सम्झौता भइसकेको जानकारी दिए।

यसवर्ष समयमै मल र बिउ उपलब्ध गराउन आफूले कृषि मन्त्रालय लगायत सम्बन्धित निकायलाई निर्देशन दिइसकेको बताए। कृषि मन्त्रालयले तयारी गरिसकेको समेत जानकारी दिए।

यस वर्षको नीति कार्यक्रम र बजेटमा कृषिलाई र किसानको हितलाई अनि उत्पादन र रोजगारी सिर्जनाको कुरालाई प्राथमिकतामा राखेर अगाडि बढेको जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रूस र युक्रेनबीचको युद्धमा उत्तर कोरियाका एक हजार १०० सैनिकको मृत्यु

‘सहकारीको ऋण तिर्दिन भन्नु अराजकता’

सहकारी ठगी आरोपमा वडा अध्यक्ष पक्राउ