काठमाडौं- प्रधानमन्त्री पुष्पकमल दाहाल प्रचण्डले एक महिनाभित्रै नागरिकता विधेयक टुङ्गोमा पुग्ने आश्वासन दिएका छन्। प्रतिनिधि सभाको बैठकको प्रश्नोत्तरमा जवाफ दिँदै प्रधानमन्त्री प्रचण्डले यस्तो आश्वासन दिएका हुन्।
प्रतिनिधि सभामा सांसद दिपक कार्कीले सोधेको प्रश्नमा जवाफ दिँदै उनले नागरिकता विधेयकका विभिन्न विकल्पहरुमा छलफल पनि भइरहेको बताए।
सांसद कार्कीले प्रधानमन्त्री प्रचण्डलाई जन्मसिद्ध नागरिकता पाउन पनि रोकिएकोले अबिम्लव फास्ट ट्र्याकबाट विधेयक ल्याएर कानुन बनाउन सकिन्छ कि सकिँदैन? भनी प्रश्न गरेका थिए। उनले यसअघि पारित भएको विधेयक राष्ट्रपति कार्यालयमा अड्किएकोले त्यही विधेयक पारित हुने हो कि नयाँ विधेयकक पेस हुन्छ भनेर पनि प्रश्न गरेका थिए।
जवाफमा प्रधानमन्त्रीले यसअघि प्रतिनिधि सभा र राष्ट्रिय सभाबाट नागरिकता सम्बन्धी विधेयक पारित भएर राष्ट्रपति कहाँ प्रमाणीकरणका लागि गएको तर होल्डमा राखिएको भन्दै राष्ट्रपति रामचन्द्र पौडेल छलफलमै रहेको बताए।
‘यसअघि संसदले यो विधेयक पारित गरेको थियो। पहिलो पटक राष्ट्रपति कार्यालयबाट फिर्ता आयो। अनि फेरि पारित गरेर प्रमाणीकरणका लागि पठाइएको तर दोस्रो पटक न खारेज भनियो न फिर्ता पठाउने व्यवस्था थियो। तर तत्कालीन समयमा राष्ट्रपति कार्यालयबाट होल्डमा राखिएको थियो,’ उनले भने, ‘त्यो होल्डमै रहेको छ। त्यो होल्डमा रहेको विधेयकलाई प्रमाणLकरण गर्ने कि अन्य कुनै बाटो छ कि भनेर संविधान र कानुनका विज्ञहरुसँग छलफल चलिरहेको छ।’
उनले भने, ‘राष्ट्रपति अध्ययनमै रहेको मैले बुझेको छु। यसमा दुई विकल्प देखिन्छ। विधेयकको रुपमा अघि बढाउने वा संकल्प प्रस्ताव गरेर अनुरोध गर्ने बाटो हुन सक्छ। त्यस्तै मन्त्रिपरिषदबाट अनुरोध गर्ने कुरा पनि छ।’ उनले नागरिकता विवाद एक महिनाभित्रै टुङ्गो लाग्ने पनि बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1779545841.jpg)
