काठमाडौं– अमेरिकी विदेश मन्त्रालयले सार्वजनिक गरेको एक प्रतिवेदन अनुसार नेपाललाई हिन्दू राज्य बनाउन भारतीय सत्ताधारी पार्टी भारतीय जनता पार्टी र उसका समर्थकले नेपाली नेताहरुलाई पैसा दिने गरेको दाबी गरेको छ। त्यहाँस्थित मन्त्रालयले सार्वजनिक गरेको सन् २०२२ को ‘अन्तर्राष्ट्रिय धार्मिक स्वतन्त्रता रिपोर्ट’ प्रतिवेदनमा उक्त कुरा दाबी गरिएको छ।
‘भारतको बीजेपीसम्बद्ध दक्षिणपन्थी धार्मिक समूहहरूले हिन्दू राज्यको वकालत गर्न सबै दलका प्रभावशाली राजनीतिज्ञहरूलाई पैसा उपलब्ध गराउन जारी राखेको नागरिक समाजका नेताहरूले बताए,’ प्रतिवेदनमा उल्लेख गरिएको छ।
यस्तै, सो प्रतिवेदनमा राष्ट्रिय प्रजातन्त्र पार्टीलाई धर्मनिरपेक्षता उल्ट्याउन पनि भाजपाले दबाब दिँदै आएको उल्लेख रहेको छ। ‘नागरिक समाजका नेताहरूले भारतको सत्तारुढ दल, हिन्दू राष्ट्रवादी भारतीय जनता पार्टी (भाजपा) र भारतका अन्य हिन्दू समूहहरूको प्रभावले नेपालमा राजनीतिज्ञहरू, विशेष गरी राप्रपालाई, हिन्दू राज्यलाई उल्ट्याउन समर्थन गर्न दबाब दिइरहेको बताए,’ प्रतिवेदनमा उल्लेख छ।
यस्तै, हिन्दू राष्ट्रवादीहरुको समूहले सामाजिक सञ्जालमा अन्य धर्मलाई भेदभाव गर्न प्रोत्साहित गरेको पनि प्रतिवेदनमा उल्लेख छ। प्रतिवेदनमा भनिएको छ, ‘गैरसरकारी संस्थाहरू र ईसाई नेताहरूका अनुसार, हिन्दूत्व (हिन्दू राष्ट्रवादी) समर्थकहरूको सानो संख्याले सोशल मिडियामा ईसाईहरूकाविरुद्ध वातावरण सिर्जना गर्ने प्रयास गरे।’
यस्तै, उक्त प्रतिवेदनमा नेपाल सरकारले हिन्दू, बुद्धिष्ट र मुस्लिमलाई विद्यालय स्थापना गर्न र सञ्चालन गर्न दिएको तर इसाइलाई भने नदिएर भेदभाव गरेको उल्लेख छ। सो प्रतिवेदनमा संसद्मा भीम रावलले इसाइविरुद्ध बोलेको कुरा देखि काठमाडौं उपत्यकामा इसाइ धर्मावलम्वी अन्त्येष्टी गर्ने स्थानसम्म पाउन मुस्किल रहेको उल्लेख छ।
सो प्रतिवेदनमा नेपालस्थित अमेरिकन राजदूतावासले नेपाली धार्मिक तथा संस्कृतिक परम्परामा उसको सामाजिक सञ्जालबाट पोष्ट भएको र त्यहाँ आएको प्रतिक्रियाको संख्या पनि उल्लेख गरेको छ।
अमेरिकी दाबी भारतद्वारा खारेज
सो प्रतिवेदनमा अमेरिकाले दाबी गरेको कुरालाई भारतले गलत भनेर खण्डन गरेको छ। भारतीय विदेश मन्त्रालयका प्रवक्ताले बुधबार एक विज्ञप्ति जारी गर्दै खण्डन गरेका हुन्।
‘अफसोस् छ, यस्ता प्रतिवेदनहरु गलत सूचना र त्रुटिपूर्ण बुझाइमा आधारित भएर आइरहेका छन्। केही अमेरिकी अधिकारीहरूको उत्प्रेरित र पक्षपाती टिप्पणीले यी रिपोर्टहरूको विश्वसनीयतालाई कमजोर पार्ने काम मात्र गर्छ,’ विदेश मन्त्रालयका प्रवक्ता अरिन्दम बागचीले जारी गरको विज्ञप्तिमा उल्लेख छ।
यस्तो छ रिपोर्ट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1779545841.jpg)
