काठमाडौं– चालु आर्थिक वर्षको ९ महिना (साउनदेखि चैत मसान्तसम्म) मा नेपालले १ खर्ब १८ अर्ब २८ करोड रुपैयाँ बराबरको वस्तु निर्यात गरेको छ। गत वर्ष सोही अवधिमा १ खर्ब ६० अर्ब ५७ करोड २९ लाख रुपैयाँको वस्तु निर्यात गरेको थियो। जसअनुसार गत वर्षको तुलनामा यस वर्ष २६.३ प्रतिशतले निर्यात घटेको राष्ट्र बैंकले जनाएको छ।
चालु आर्थिक वर्षमा ८६ अर्ब ९३ करोड ८७ लाख रुपैयाँको सबैभन्दा बढी निर्यात हुनेमध्येका पाम तेल, उलन कार्पेट, भटमासको तेल अलैंची लगायतका २० वस्तु निर्यात गरेको बैंकको तथ्यांकले देखाएको छ।
जसमध्ये सबैभन्दा बढी १७ अर्ब २९ करोड ७९ लाख रुपैयाँको पाम तेल निर्यात गरेको बैंकको तथ्यांकमा छ। यस्तै दोस्रोमा ८ अर्ब ७२ करोड २४ लाख रुपैयाँको उलन कार्पेट निर्यात गरेको छ भने ८ अर्ब ४३ करोड २३ लाख रुपैयाँको भटमासको तेल निर्यात गरेको छ।
यस्तै, ७ अर्ब ६६ करोड ८६ लाख रुपैयाँको पोलिस्टर धागो, ६ अर्ब ३३ करोड ६९ लाख रुपैयाँको अलैंची निर्यात गरेको छ। ५ अर्ब ५९ करोड ५० लाख रुपैयाँको जुटको सामग्री, ५ अर्ब ४२ करोड ४७ लाख रुपैयाँको जस्तापाता, ४ अर्ब ५८ करोड २० लाख रुपैयाँको जुस निर्यात गरेको छ।
४ अर्ब २५ करोड ८७ लाख रुपैयाँको रेडिमेड कपडा, ३ अर्ब ५ करोड ९३ लाख रुपैयाँको प्लाइबोर्ड, २ अर्ब ९७ करोड ८२ लाख रुपैयाँको चिया निर्यात गरेको छ। २ अर्ब ३४ करोड ७८ लाख रुपैयाँको पस्मिनाको कपडा, १ अर्ब ८५ करोड २६ लाख रुपैयाँको अन्य कपडा निर्यात भएको राष्ट्र बैंकको तथ्यांकमा छ।
यस्तै १ अर्ब ७५ करोड ६८ लाख रुपैयाँको पिना, १ अर्ब ३४ करोड ३४ लाख रुपैयाँको चाउचाउ, १ अर्ब ३१ करोड २७ लाख रुपैयाँको जडिबुटी, १ अर्ब २८ करोड ६० लाख रुपैयाँको खोटो, १ अर्ब १७ करोड ९२ लाख रुपैयाँको आयुर्वेदिक औषधि, ९५ करोड ८८ लाख रुपैयाँको ह्यान्डिक्राफ्ट सामग्री र ७९ करोड ५५ लाख रुपैयाँको जुत्ताचप्पल निर्यात गरेको राष्ट्र बैंकले जनाएको छ।
यस्तै नेपालले ३१ अर्ब ३४ करोड १२ लाख रुपैयाँको अन्य वस्तु निर्यात गरेको छ। जसमध्ये ७ अर्ब ९१ करोड ६९ लाख रुपैयाँको विद्युत निर्यात गरेको छ भने ७ अर्ब ९१ करोड ६९ लाख रुपैयाँको हवाई इन्धन निर्यात गरेको राष्ट्र बैंकले जनाएको छ।
पाम ५२ प्रतिशत र भटमासको तेल निर्यात ८० प्रतिशतले घट्यो
गत आर्थिक वर्ष (२०७८/७९) को ९ महिनामा ३६ अर्ब ३८ करोड ५६ लाख रुपैयाँको पाम तेल निर्यात गरेको थियो भने चालु आर्थिक वर्षको सोहि अवधिमा १७ अर्ब २९ करोड ७९ लाख रुपैयाँको पाम तेल निर्यात भएको राष्ट्रबैंकले जनाएको छ। जस अनुसार गत आर्थिक वर्षको तुलनामा चालु आर्थिक वर्षमा ५२.५ प्रतिशतले पाम तेल निर्यात घटेको पाइएको छ।
यस्तै गत आर्थिक वर्षको ९ महिनामा ४३ अर्ब ३० करोड ८२ लाख रुपैयाँको भटमासको तेल निर्यात गरेको थियो भने चालु आर्थिक वर्षको सोही अवधिमा ८ अर्ब ४३ करोड २३ लाख रुपैयाँको भटमासको तेल निर्यात गरेको छ। जस अनुसार गत वर्षको सो अवधिको तुलनामा चालु वर्षको सोही अवधिमा ८०.५ प्रतिशतले भटमासको तेल निर्यात घटेको पाइएको छ।
७७ प्रतिशत विद्युत, ६६ प्रतिशतले अलैंची निर्यात बढ्यो
राष्ट्र बैंकको तथ्यांक अनुसार वर्षेनी विद्युत निर्यात बढ्दै गएको देखिन्छ। आर्थिक वर्ष २०७७र ७८ को ९ महिनामा ३६ करोड ७५ लाख रुपैयाँको विद्युत निर्यात गरेको थियो भने आर्थिक वर्ष २०७८र ७९ को सोहि अवधिमा १ अर्ब १ करोड ४७ लाख रुपैयाँको विद्युत निर्यात गरेको थियो। जस अनुसार आर्थिक वर्ष २०७७/७९ को तुलनामा २०७८र७८ मा ४६.९१ प्रतिशतले विद्युत निर्यात बढेको देखिन्छ।
यस्तै चालु आर्थिक वर्षमा ७ अर्ब ९१ करोड ६९ लाख रुपैयाँको विद्युत निर्यात गरेको राष्ट्र बैंकले जनाएको छ। आर्थिक वर्ष २०७८/७८ को तुलनामा चालु आर्थिक वर्षमा ७७.२६ प्रतिशतले विद्युत निर्यात वृद्धि भएको राष्ट्र बैंकले जनाएको छ।
गत आर्थिक वर्षको ९ महिनामा ३ अर्ब ८१ करोड ८१ लाख रुपैयाँको अलैंची निर्यात भएको थियो भने चालु आर्थिक वर्षको सोहि अवधिमा ६ अर्ब ३३ करोड ६९ लाख रुपैयाँको अलैंची निर्यात गरेको राष्ट्र बैंकले जनाएको छ। जस अनुसार गत आर्थिक वर्षको सो अवधिको तुलनामा चालुआर्थिक वर्षको सो अवधिमा ६६ प्रतिशतले निर्यात बढेको राष्ट्र बैंकले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
