काठमाडौं– अनौपचारिक क्षेत्र सेवा केन्द्र (इन्सेक)ले नक्कली भुटानी शरणार्थी प्रकरणको अनुसन्धानमा व्यवधान खडा नहोस् भन्नेमा सजग रहन सबै दलका नेतृत्वसँग माग गरेको छ।
इन्सेकका अध्यक्ष कुन्दन अर्यालले मंगलबार एक विज्ञप्ति जारी गर्दै नक्कली भुटानी शरणार्थी प्रकरणलाई संगठित अपराधको संज्ञा दिँदै निर्भीकतापूर्वक अनुसन्धान गर्ने कर्तव्य पालनाका लागि राज्यका संयन्त्रमाथि कुनै पनि किसिमको व्यवधान खडा हन नहुने बताएका छन्।
नक्कली भुटानी शरणार्थी प्रकरणको छानबिन प्रक्रिया प्रमुख दलहरूका उच्चस्तरीय राजनीतिक नेतृत्वको तथाकथित सहमतिका कारण टुङ्गोमा नपुग्ने सर्वव्यापक आशंका गम्भीर चिन्ताको विषय बन्न पुगेको विज्ञप्तिमा उल्लेख छ।
‘यस मामिलामा गहन र निष्पक्ष छानविन गरी संसारको नजरमा नेपाल राष्ट्रको प्रतिष्ठा पूर्णतः धरासायी हुन नदिने अवसर गुमाउनु हुँदैन। तर सरकारको नेतृत्व र राज्यका विभिन्न निकायहरूकै भ्रष्टाचार र अनियमिता विरुद्धको प्रतिबद्धतामा समेत प्रश्न उठिरहेको आजको अन्योलपूर्ण अवस्थामा आमजनता, नागरिक समाज र सार्वभौम सत्ता सम्पन्न जनताको प्रतिनिधिमूलक संस्था संसदले अझ जागरुक हुँदै प्रभावकारी भूमिका निर्वाह गर्नु जरुरी छ,’ विज्ञप्तिमा भनिएको छ।
विधायक र उच्च पदस्थ राजनीतिक व्यक्तित्वहरूसहित राज्य संयन्त्रको संलग्नतामा भएको नेपाली नागरिकलाई भूटानी शरणार्थी बनाएर अमेरिका पठाउने अपराधको जरासम्मै छानबिन भइ सम्पूर्ण आरोपितहरूमाथि कानुनी कारबाही हुन सकेन भने राष्ट्रिय तथा अन्तर्राष्ट्रिय तहमासमेत आउनसक्ने गम्भीर परिणामको अन्तिम जिम्मेवारी लोकतन्त्र र गणतन्त्र स्थापनाको अगुवाइ गर्ने दलहरूले नै लिनुपर्ने इन्सेकले उल्लेख गरेको छ।
इन्सेकले प्रेस विज्ञप्तिमार्फत् नेपाल प्रहरी तथा राज्यका अन्य अङ्गबाट हालसम्म भएको अनुसन्धान कार्यको सराहना गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773054140.png)
-1773053162.png)
_3aolipi24M-1772891294.jpg)
-1764146706.png)
-1772777462.png)
