काठमाडौं- गृह मन्त्रालयले भूकम्प प्रभावित ५ हजार ८ सय ८० घरपरिवारलाई ५० हजार रुपैयाँका दरले राहत दिने भएको छ।
शुक्रबार उपप्रधान तथा गृहमन्त्री नारायणकाजी श्रेष्ठको अध्यक्षतामा बसेको सेको विपद् जोखिम न्यूनीकरण तथा व्यवस्थापन कार्यकारी समितिको १७औं बैठकले यस्तो निर्णय गरेको हो। बैठकले २०७८ जेठ यता गएका भूकम्पबाट प्रभावित घरपरिवारलाई राहतस्वरुप ५० हजार उपलब्ध गराउने निर्णय गरेको हो।
पूर्ण रुपमा घर क्षतिग्रस्त भएका परिवारलाई अस्थायी आवास निर्माण गर्न आवश्यक विधि बनाएर दुई किस्तामा गरी ५० हजार रुपैयाँ अनुदान दिने निर्णय भएको गृहमन्त्रीका प्रेस संयोजक कमल गिरीले बताए।
२०७८ जेठमा लमजुङ, २०७८ साउनमा खोटाड, २०७९ कात्तिकमा डोटी र २०७९ माघमा बाजुरा केन्द्रबिन्दु भएर गएका भूकम्पहरुबाट ५ हजार ८ सय ८० घरहरू पूर्ण रुपमा क्षतिग्रस्त भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
