प्रकाशशरण महत (फाइल तस्बिर)
काठमाडौं– प्रतिनिधि सभाको बजेट अधिवेशन आइतबारबाट सुरु भएको छ। उक्त बैठकमा अर्थमन्त्रीले आगामी आर्थिक बर्षका लागि बजेटको सिद्धान्त र प्राथमिकतासँग सम्बन्धित विधेयक प्रस्तुत गरेका थिए।
उक्त विधेयकमाथि सोमबार छलफल चलिरहेको छ। तर सांसदहरुले आफ्नो धारणा राख्ने क्रममा अर्थमन्त्री नै संसद्मा नरहेपछि सांसदहरुले नियमाआपत्ति गरेका छन्। जसलाई सभामुखका रुपमा बैठक सञ्चालन गरिरहेकी उपसभामुख इन्दिरा रानाले थामथुम पार्ने प्रयास गरिन्।
अर्थमन्त्री नरहेको भन्दै रास्वपा सांसद सुमना श्रेष्ठले नियमाआपत्ति जनाउँदै आफ्नो भनाइ राख्न समय मागिन्, तर सभामुखले समय दिइनन्। त्यसलगत्तै एमालेका सांसदहरु उठेर विरोध गर्न थाले। त्यसपछि उपसभामुखले अर्थमन्त्री राष्ट्रिय सभामा रहेको भन्दै एकै छिनपछि आउने भन्दै सांसदलाई बस्न आग्रह गरिन्। तर सांसदहरुले टेबुल ठटाइरहे।
त्यहि बीचमा एमाले सांसद रघुजी पन्तले बोल्नलाई समय पाए। उनले नियमाली पढेर सुनाउँदै ‘कुनै विषयगत मन्त्रालयको विषयमा छलफल हुँदा सम्बन्धित मन्त्ती समेत अनिवार्य उपस्थित हुनुपर्छ,’ भनेर ध्यानाकर्षण गराए। सांसद पन्तले ‘एकछिन कुरौँ तर अर्थमन्त्रीको उपस्थिति अनिवार्य हुनै पर्छ’ भन्ने माग गरे।
त्यसपछि उपसभामुखले कुरौँ न भनिन्। उनले ‘लौ न ५ मिनेट ब्रेक गरौँ’ भनिन्। लगत्तै एमाले सांसद रघुजी पन्तलाई बजेटका सिद्धान्त र प्राथमिकताको छलफलमा सहभागी हुन आग्रह गरिन्। तर पनि सांसदले आपत्ति जनाए। ब्रेक भनेको, तर पुन: संसद् सुचारु राखेकोमा सांसदहरुले आपत्ति जनाए। त्यो बीचमा कांग्रेस सांसद रामहरि खतिवडाले उठेर भने,‘संसद्को गरिमाका लागि सभामुखको चेयरबाट ५ मिनेट ब्रेक भनेपछि सदन चलिरहन सुहाउँछ सुहँउदैन, सभामुखले उत्तर दिनु पर्छ।’
त्यो बीचमा सभामुख देवराज घिमिरे आएर बैठकमा हस्तक्षेप गर्नु पर्यो। सभामुख घिमिरेले १५ मिनेट भन्दै बैठक स्थगित गरिदिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1775812183.jpg)
-1779545841.jpg)
