काठमाडाैं– इस्लाम धर्मावलम्बीले इदुलफित्र पछिको दोस्रो ठूलो पर्व इद—उल—अजहा (बकरइद) बुधबार विभिन्न स्थानमा सद्भाव साटासाट गर्दै मनाएका छन्। साेही अवसरमा काठमाडौँ उपत्यकामा बसोवास गर्दै आएका इस्लाम धर्मावलम्बीले घण्टाघरस्थित नेपाली जामे मस्जिदमा भेला भई सद्भाव साटासाट गरे।
प्रत्येक वर्ष अरवियन पात्रोको १२ औँ महिनाको १० गते पर्ने उक्त पर्वमा आफू भन्दा ज्येष्ठ मानिससँग आर्शीवाद लिने तथा मीठो खानेकुरा खाएर खुशियाली गर्ने गरिन्छ। अल्हा (इश्वर)ले आफ्नो भक्तजन इब्राइमलाई परीक्षा लिने क्रममा प्यारो वस्तुको बलि मागेकोमा इब्राइमले छोराको बलि दिन खोजेपछि त्यहाँ दैवीशक्तिले चौपाया उत्पन्न भएको विश्वास धर्मावलम्बीले गर्दछन्।
खसी, बोकालगायत चौपायाको बलि गरी गरीब, इष्टमित्र र आफूलाई तीन भाग लगाइन्छ। समग्र आम्दानीको साढे दुई प्रतिशत दान गर्ने परम्परा छ। जामे मस्जिद व्यवस्थापन समितिका अध्यक्ष अब्दुल समीमका अनुसार एक इश्वरवादको दार्शनिक मान्यता राख्ने धर्मावलम्बीले पहिलो महत्वपूर्ण पर्व इदुलफित्र मनाउने गदर्छन्।
करीब एक महिना अगाडि रमजानको व्रत पूरा गरेपछि यो पर्व पर्छ। इस्लाम धर्मको आधार स्तम्भका रुपमा कल्मा, नमाज, रोजा, जकात र हजलाई लिने गरिन्छ। अध्यक्ष समीमका अनुसार नेपालमा मल्लकालीन समयदेखि नै बसोबास गर्दै आएका इस्लाम धर्मावलम्बीको जनसङ्ख्या करीब ५ प्रतिशत छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010467.jpg)
-1786602170.png)
-1789631269.jpg)
