दिल्ली– भारतका पूर्व क्रिकेटर सलीम दुर्रानीको ८८ वर्षको उमेरमा आइतबार जामनगरस्थित घरमा निधन भएको छ। उनले भारतका लागि २९ टेस्टमा १२०२ रन बनाउनुका साथै ७५ विकेट लिएका थिए। पहिलो श्रेणीको क्रिकेटमा दुर्रानीले १७० खेलमा ८५४५ रन र ४८४ विकेट लिएका थिए।
दुर्रानीको जन्म ११ डिसेम्बर १९३४ मा अफगानिस्तानको राजधानी काबुलमा भएको थियो। पछि उनको परिवार पाकिस्तानको कराची शहरमा बस्न थाल्यो। भारत–पाकिस्तान विभाजनताका उनको परिवार भारत भित्रिएको थियो।
दुर्रानी भारतीय क्रिकेट टोलीमा अलराउण्डरको रूपमा स्थापित भए। सन् १९६१–६२ को इङ्ल्याण्डविरूद्धको शृंखला जिताउन उनको महत्वपूर्ण योगदान थियो। अन्तिम दुई टेस्टमा उनी नायक सावित भएका थिए। उनले कोलकातामा ८ र चेन्नईमा १० विकेट लिएका थिए। भारतले ५ टेस्टको शृंखला २–० ले जितेको थियो। इङ्ल्याण्डविरूद्ध भारतको यो पहिलो टेस्ट शृंखलामा जित थियो।
लेफ्ट आर्म स्पिन गर्ने दुर्रानी अर्जुना अवार्डबाट पनि सम्मानित भइसकेका छन्। उनलाई १९६१ मा यो अवार्ड प्रदान गरिएको थियो।
दुर्रानीलाई १९७३ मा इङ्ल्याण्डविरूद्ध कानपुर टेस्टमा टिममा समावेश नगराएको विरोधमा क्रिकेट प्रेमीहरूले रंगशालाभित्र विरोध जनाएका थिए। क्रिकेट प्रेमीले त्यतिबेला ब्यानरमा लेखेका थिए– दुर्रानी छैनन् त टेस्ट पनि हुँदैन।
उनको फ्यान फलोअर देखेर मुम्बई टेस्टमा पुनः उनलाई टोलीमा समावेश गरिएको थियो। उनले मुम्बई टेस्टपछि क्रिकेटबाट सन्यासको घोषणा गरे। केही वर्ष उनले बलिउडमा अभिनय पनि गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
