काठमाडौं- नेपाली कांग्रेस महामन्त्री विश्वप्रकाश शर्माले ‘पिँजडा’ अन्ततः भत्किने भयो भनेका छन्। शुक्रबार साँझ प्रधानमन्त्री निवास बालुवाटारमा बसेको आठ दलको बैठकले कांग्रेसलाई राष्ट्रपतिमा सघाउने निर्णय गरेलगत्तै शर्माले ट्विट गरेका हुन्।
उनले दलहरुबीचको सहमति पनि उल्लेख गरेका छन्- ‘राष्ट्रपति पदमा नेपाली कांग्रेसको उम्मेदवारलाई विजयी गराउने बहुमत दलहरूको सर्वसम्मत निर्णय!’
शर्मा यसअघिदेखि निरन्तर रुपमा कांग्रेसले प्रस्तावित गरेको व्यक्ति नै राष्ट्रपति निर्वाचित हुने बताउँदै आएका थिए। दलहरुबीचको शुक्रबारको सहमतिले त्यो सम्भावना बढेको छ।
पिँजडाको प्रसंग भने गत माघ ५ गते शर्माले प्रतिनिधि सभामा गरेको सम्बोधनसँगै सुरु भएको हो। त्यस दिन उनले भनेका थिए- ‘आफू प्रधानमन्त्री भएको बेलामा सँगैको मित्रले उच्चस्तरीय संयन्त्र बनाऔँ भन्दै गर्दा संविधानले नचिनेको उच्चस्तरीय संयन्त्र नबनाऔँ भन्ने। अनि, सँगैको अर्को मित्र प्रधानमन्त्री भएको बेलामा संविधानले नचिनेको उच्चस्तरीय संयन्त्र बनाउनु भनेको देशको प्रधानमन्त्रीलाई पिँजडामा राख्न खोजिएको हो भनेर म संज्ञा दिन चाहन्छु।’
एमालेका तर्फबाट प्रधानमन्त्रीलाई पिँजडामा नराखिएको भन्दै प्रतिवाद हुने गरेको भए पनि राजनीतिक संयन्त्रलाई प्रधानमन्त्री थुन्ने पुलको रुपमा चित्रण हुने गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
