काठमाडौं– प्रधानमन्त्री पुष्पकमल दाहाल प्रचण्ड र एमाले अध्यक्ष केपी शर्मा ओलीबीचको भेट सकिएको छ। प्रधानमन्त्री प्रचण्डलाई भेट्न अध्यक्ष ओली बुधबार बालुवाटार पुगेका थिए। भेटमा दुवै नेताले पुरानै प्रस्ताव दोहोर्याएका प्रधानमन्त्रीको सचिवालयले जानकारी दिएको छ।
अध्यक्ष ओलीले एमालेले प्रस्ताव गरेको व्यक्तिलाई राष्ट्रपति बनाउने गरी पहल गर्न आग्रह गरेका थिए। त्यस क्रममा उनले पुस १० मा भएको सहमतिको पनि स्मरण गराएका थिए। त्यतिबेला प्रचण्डलाई प्रधानमन्त्री र एमालेको प्रस्तावमा राष्ट्रपति र सभामुख बनाउने सहमति भएको बताइन्छ।
जवाफमा प्रधानमन्त्री प्रचण्डले पुस १० को सहमतिको सन्दर्भ बदलिएको स्मरण गराएका थिए। पुस २६ मा आफूलाई कांग्रेसले पनि विश्वासको मत दिएको भन्दै उनले उसलाई समेत समेट्ने गरी वातावरण बनाउनुपर्ने बताएका थिए। त्यसैअनुसार सहमति गर्ने उनको प्रस्ताव थियो।
दुवै नेताले आ-आफ्नो अडान दोहोर्याएका कारण बुधबारको छलफलमा कुनै प्रगति हुन सकेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
