जसपाको विधान अधिवेशन चैत्र २७–२९ गतेसम्म, व्यवस्थापन समितिको संयोजकमा अधिकारी

राजनीति

नेपाल लाइभ सोमबार, फागुन ८, २०७९ १९:३५

काठमाडौं– जनता समाजवादी पार्टी नेपालको विधान अधिवेशन चैत्र २७ देखि २९ गतेसम्म हुने भएको छ। आइतबार र सोमबार बसेको जसपाको केन्द्रीय कार्यकारिणी समितिको बैठकले विधान अधिवेशनको मिति तय गरेको हो।

बैठकले पार्टीका केन्द्रीय कार्यकारिणी समिति सदस्य प्रकाश अधिकारीको संयोजकत्वमा विधान अधिवेशन मूल व्यवस्थापन समिति गठन गरेको छ। समितिको सदस्यहरुमा विजय यादव, सुशीला श्रेष्ठ, लालबहादुर तामाङ, अर्जुन थापा, विद्युत बज्राचार्य र न्हुच्छेलाल महर्जन रहेका छन्।

मूल व्यवस्थापन समितिले आवश्यक्ता अनुसार उपसमिति बनाउन सक्ने निर्णय पनि गरिएको छ।

यसैगरी बैठकले मधेश प्रदेशका मुख्यमन्त्री सरोजकुमार यादव (बारा) र सुरेन्द्र कर्मी (पर्सा) लाई राजनीतिक समितिमा, ओमप्रकाश यादव गुल्जारी र सोमबहादर नेपाली (कास्की) लाई केन्द्रीय समितिमा, दलबहादुर लावती (पाँचथर) कर्णबहादुर लावती (पाँचथर) र बलराम महतो (धनुषा) लाई संघीय परिषद् सदस्यमा मनोनयन गरेको छ।

केन्द्रीय सदस्यद्वय जोगीलाल यादव र प्रचण्डकुमार पौडेललाई ट्रेड युनियन तथा बौद्धिक पेसाकर्मी महासंघ संयुक्त संयन्त्रको उपप्रमखुको जिम्मेवारी दिइएको जसपाले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कक्षा १२ को परीक्षा तालिका सार्वजनिक, वैशाख ११ देखि [तालिकासहित]

ताइवानको फुड कोर्टमा ग्यास विस्फोट : ४ जनाको मृत्यु, २६ जना घाइते

रासायनिक मल वितरण छिटो र पारदर्शी बनाउन प्रधानमन्त्रीको निर्देशन