लागुऔषधसहित जुम्लामा दुई जना पक्राउ

सुरक्षा/अपराध

नेपाल लाइभ शनिबार, फागुन ६, २०७९ २१:३०

काठमाडौं– जुम्लामा लागुऔषधसहित दुई जना पक्राउ परेका छन्। शनिबार चन्दननाथ नगरपालिका–६ बसपार्कस्थित कर्णाली होटलबाट दिउँसो सवा तीन बजेतिर उनीहरु पक्राउ परेका हुन्।

पक्राउ पर्नेमा चन्दनानाथ–२ भण्डारीबाडाका २९ वर्षीय तिलक भण्डारी र वडा नम्बर १० की २२ वर्षीया प्रतिक्षा थापा रहेका छन्।

उक्त होटेलमा कोठा लिइ लागुऔषधसहित बसेका छन् भन्ने गोप्य सूचनाका आधारमा जिल्ला प्रहरी कार्यालय जु्म्लाबाट खटिएको टोलीले खानतलासी गर्दा लागुऔषधसहित उनीहरु पक्राउ परेका हुन्।

झोलामा लुकाई छिपाई राखेको उनीहरुको साथबाट ब्राउन सुगरजस्तो देखिने देखिने पदार्थ नाप तौल गर्दा ४ ग्राम ८५० मिलि ग्राम, मोबाइल दुई थान बरामद गरिएको छ।

साथै उनीहरुको साथबाट नगद २० हजार ५ सय १० रुपैयाँ पनि बरामद गरिएको छ। पक्राउ परेका भण्डारी र थापाउपर अनुसन्धान भइरहेको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु