काठमाडौं- आईसीसी क्रिकेट विश्वकप लिग-२ अन्तर्गत टीयू क्रिकेट मैदान कीर्तिपुरमा भइरहेको खेलमा नामिबियाले नेपाललाई २७५ रनको लक्ष्य दिएको छ। टस जितेर बलिङ रोजेको नेपाललाई नामिबियाले ५० ओभरमा ६ विकेटको क्षतिमा २७५ रनको लक्ष्य दिएको हो।
नामिबियाका लागि जेन ग्रिनले नटआउट ७५ रन जोडे। ग्रीनले ६३ बल खेल्दै ११ चौका र १ छक्का प्रहार गरे। १३८ रनमा पाँच विकेट गुमाएको नामिबियाका लागि जान ग्रीन र पिक्की या फ्रान्सले ९४ रनको महत्त्वपूर्ण साझेदारी गरे। यस्तै, ओपनर लो लाउरेन्सले ४१ रन जोडे।
बलिङमा नेपालका सन्दीप लामिछानेले ३ विकेट लिए। उनले १० ओभरमा ४६ रन खर्चिए। करण केसीले १ विकेट हात पारे।
४९औं ओभरमा सोमपाल कामीले नन पिक्की या फ्रान्सलाई रनआउट गर्दै यो साझेदारी तोडेका थिए। यस्तै, नन स्ट्राइकर एन्डमा रहेका फ्रान्स अर्धशतक बनाउनबाट समेच एक रनले चुके।
सातौं नम्बरमा ब्याटिङ गरेका फ्रान्सले ३९ बल खेल्दै ४ चौका र ३ छक्का मद्दतमा ४९ रन बनाए। त्यसपछि लो हान्ड्रे लाउरेन्स र कार्ल विर्केन्स्टोकले पहिलो विकेटका लागि ६४ रनको साझेदारी गरेका थिए। लौरेन्सले ४१ र कार्लले २० रन बनाए। दुवैलाई सन्दीप लामिछानेले लगातार ओभरमा आउट गरेका थिए।
जारी सिरिजमा नेपालले यसअघि लगातार दुई खेलमा जित हात पारेको छ। नेपालले आफ्नो पहिलो खेलमा नामिबिया तथा दोस्रो खेलमा स्कटल्यान्डलाई हराएको थियो। नेपालले मंगलबार अन्तिम खेल स्कटल्यान्डसँग खेल्नेछ।
लिग-२ मा स्कटल्यान्ड च्याम्पियन भइसकेको छ। लिग-२ को शीर्ष टिम स्कटल्यान्डले ३४ खेलबाट ४८ अंक जोडेको छ। दोस्रो स्थानको ओमानले आफ्ना सबै ३६ खेल खेल्दा ४४ अंक जोडेको छ। तेस्रो स्थानको नामिबियाले अन्तिम चार खेल बाँकी छदा ३७ अंक जोडेको छ। चौथो स्थानको अमेरिकाले सबै ३६ खेलबाट ३५ अंक जोडेको छ।
लिग-२ मा नेपाल छैटौं स्थानमा छ। नेपालले लिग-२ मा आफ्ना १० खेल खेल्न बाँकी छँदा २६ खेलबाट २२ अंक जोडेको छ। नेपालभन्दा माथि पाँचौं स्थानको युएईको २६ खेलबाट २७ अंक छ। लिग-२ का शीर्ष तीन टिम विश्वकप छनोटमा पुग्नेछन्। बाँकी चार टिमले क्वालिफायर प्लेअफ खेल्नु पर्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
