काठमाडौं- अन्तर्राष्ट्रिय क्रिकेट परिषद् (आईसीसी) विश्वकप क्रिकेट लिग २ अन्तर्गत त्रिकोणात्मक एकदिवसीय शृङ्खलामा दीपेन्द्र सिंह ऐरीले पनि अर्धशतक पूरा गरेका छन्।
७० बल खेल्दै उनले ५० रन पूरा गरेका हुन्। उनले यसक्रममा ५ चौका र एक छक्का प्रहार गरे।
ऐरीले कुशल मल्लसँग उत्कृष्ट साझेदारी गर्दै धर्मराएको नेपालको खेललाई लयमा फर्काएका हुन्। मल्लले ६७ बल खेल्दै ८१ रन बनाए। ९ चौका र ६ छक्का प्रहार गरेका उनी क्याचआउट भएका हुन्।
२७५ रनको लक्ष्य पछ्याएको नेपालले ६ विकेट क्षतिमा १८८ रनसहित खेलिरहेको छ। नेपालका लागि ओपनर कुशल भुर्तेलले ८ बलमा १६ रन बनाएका थिए। उनी तेस्रो ओभरको पहिलो बलमा आउट भएका हुन्। अन्य ब्याटरले भने दोहोरो अंक जोड्न सकेनन्।
स्कटल्याण्डसँग जवाफी ब्याटिङ गरिरहेको नेपालले ११ औं ओभरमै पाँचौं विकेट गुमाएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
