आफ्नै घरमा आगो लगाएर श्रीमती र छोरा–छोरी मार्न खोजेको आरोपमा १ जना पक्राउ

सुरक्षा/अपराध

नेपाल लाइभ बिहीबार, फागुन ४, २०७९ १६:४६

काठमाडौं– आफ्नै घरमा आगो लगाइ परिवारका सदस्यलाई मार्न खोजेको आरोपमा रुपन्देही प्रहरीले १ जनालाई पक्राउ गरेको छ। पक्राउ पर्नेमा रुपन्देहीको देवदह नगरपालिका–९ कालिकाटोल बस्ने ३९ वर्षीय रामबहादुर विक छन्।

प्रहरीका अनुसार मंगलबार राति ८:१५ बजेको समयमा कालिकाटोलस्थित आफ्नो घर/टहरामा बाहिरबाट ढोका लगाएर आगो लगाएका थिए। भरभित्र श्रीमती र छोरा–छोरी बसिरहेको अवस्थामा उनले बाहिरबाट ढोकाको चुकुल लगाएर छानोमा आगो सल्काएका थिए।

आगो दन्किँदै जाँदा भित्र रहेकी उनकी श्रीमती र छोरा–छोरीले गुहार मागेपछि छिमेकीले उनीहरुको उद्धार गरेका थिए।

इलाका प्रहरी कार्यालय बुटवलबाट खटिएको प्रहरीले रामबहादुरलाई तत्काल घटनास्थलबाटै पक्राउ गरेको हो। पक्राउ परेका उनीविरुद्ध ज्यान मार्ने उद्योग गरेको कसुरमा रुपन्देही जिल्ला अदालतबाट ७ दिनको म्याद लिएर अनुसन्धान सुरु गरिएको इलाका प्रहरी कार्यालय बुटवलले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अलैँची बिक्रीबाट २२ करोड आम्दानी

रवि लामिछाने आज रुपन्देही अदालतमा उपस्थित नहुने

हमासले रिहा गर्‍यो तीन बन्धक, इजरायलले पनि ९० प्यालेस्टिनीलाई छोड्यो