काठमाडौं- नेपाली कांग्रेसका नेता एवं प्रतिनिधि सभा सदस्य चन्द्र भण्डारी र उनकी आमाको स्वास्थ्य अवस्था बुझ्न कांग्रेस सभापति शेरबहादुर देउवा कीर्तिपुर अस्पताल पुगेका छन्।
बुधबार राति ग्यास सिलिन्डर फड्किएर धाइते भई कीर्तिपुर अस्पतालमा उपचार गराइरहेका सांसद भण्डारी र उनकी आमालाई थप उपचारका लागि भारतको मुम्बई लाने तयारी भइरहेको छ। अस्पतालले थप उपचारका लागि विदेश लानुपर्ने औपचारिक जानकारी गराइसकेको छ।
सभामुख देवराज घिमिरे पनि किर्तिपुर अस्पताल पुगेर भण्डारीको स्वस्थ्य अवस्थाबारे जानकारी लिएका छन्।
कांग्रेस नेता शेखर कोइराला, महामन्त्रीद्वय गगन थापा र विश्वप्रकाश शर्मा सहितका नेताहरु किर्तिपुर अस्पतालमा चिकित्सकहरुसँग भण्डारीको भारतमा हुने उपचारबारेमा छलफल गरिरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
