काठमाडौं- नेपाली सेनाको स्थापना दिवसको अवसरमा आयोजना हुने कार्यक्रममा भाग लिन भारतीय सेनाका पाँच पूर्वप्रमुख एक साथ काठमाडौं आउँदैछन्। हरेक वर्ष महाशिवरात्रिको दिन सेना दिवस मनाइने गर्छ।
यो पटक नेपाली सेना स्थापनाको २६० वर्ष पुगेको उपलक्ष्यमा विशेष कार्यक्रमहरु गर्न लागिएको जनाइएको छ। जसमा भारतका बहालवाला सेनापतिसहित ११ पूर्व सेना प्रमुखहरुलाई नेपाली सेनाले आमन्त्रण गरेको छ।
आमन्त्रण गरेका ११ मध्ये ५ पूर्व भारतीय सेनाध्यक्ष नेपाल आउने तय भएको नेपाली सेनाले जनाएको छ। काठमाडौं आउने तय भएका भारतीय सेनाका पूर्व प्रमुखहरु विश्वनाथ शर्मा, जोगिन्दर जसवन्त सिंह, दीपक कपुर, दलवीर सिंह र मनोजमुकुन्द नरवणे छन्।
सैनिक प्रवक्ता कृष्णप्रसाद भण्डारीले अहिलेसम्म ५ जना आउने निश्चित भएको नेपाल लाइभलाई बताए। सेना दिवसको अवसरमा आयोजना हुने विशेष कार्यक्रममा सहभागी हुनुको साथै भारतीय पूर्व सेना प्रमुखहरु र नेपाली सेनाहरुका उच्च अधिकारीहरुबीच संवाद कार्यक्रम समेत राखिएको नेपाली सेनाका प्रवक्ता भण्डारीले जानकारी दिए।
नेपाली सेनाले १० वर्षपछि विशेष कार्यक्रमका साथ आफ्नो स्थापना दिवस मनाउने तयारी गरेको छ। यसअघि २५०औं स्थापना दिवश पनि विशेष कार्यक्रमका साथ मनाइएको थियो।
नेपाली सेना र भारतीय सेनाबीच एकअर्काका प्रमुखलाई मानार्थ महारथीको सम्मान दिने प्रचलन छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1683120258.jpg)
-1786602170.png)
