भृकुटीमण्डपमा आठौं बृहत राष्ट्रिय छाला जुत्ता प्रदर्शनी

अर्थ समाचार

नेपाल लाइभ बुधबार, फागुन ३, २०७९ १४:५८

काठमाडौं– भृकुटीमण्डपमा आठौं बृहत राष्ट्रिय छाला जुत्ता तथा वस्तुको प्रदर्शनी सुरु भएको छ। नेपाल छाला जुत्ता उत्पादक संघद्वारा बुधबारदेखि ‘कला र कौशल हाम्रो, नेपाली ब्राण्ड नै राम्रो’ भन्ने नारासहित बुधबारदेखि काठमाडौंको भृकुटीमण्डपमा आठौं बृहत राष्ट्रिय छाला जुत्ता तथा वस्तुको प्रदर्शनी सुरु भएको हो।

प्रदर्शनीको उद्घाटन महिला, बालबालिका तथा ज्येष्ठ नागरिकमन्त्री भगवती चौधरीले गरेकी हुन्। प्रदर्शनी फागुन ९ गतेसम्म चल्नेछ। कार्यक्रममा बोल्दै मन्त्री चौधरीले नेपाली छाला जुत्ता उद्योगीहरुलाई प्रोत्साहन गरी उत्पादन बढाउने पक्षमा सरकार रहेको बताइन्।

उनले पछिल्लो समय बजारमा देखिएको तरलता अभाव लगायतका समस्याबात तत्काल उद्योगी व्यवसायीहरु निराश नहुन आग्रह गरिन्। उनले वर्तमान सरकार व्यवसायीहरुको समस्या समाधान गर्ने र अर्थतन्त्रलाई चलायमान बनाउने पक्षमा रहेको बताइन्। छाला जुत्ताको उत्पादन वृद्धि गरी निर्यात प्रवर्द्धनमा जोड दिनुपर्ने उनको भनाइ थियो।

प्रदर्शनीमा नेपाल छाला जुत्ता उत्पादित कम्पनीमा आवद्ध विभिन्न उद्योगहरुले शतप्रतिशत छालाको प्रयोग गरी उत्पादन गरेका जुत्ताहरु राखिएको छ। छाला जुत्ता उत्पादनमा नेपाल आत्मनिर्भर बन्दै गएको संघले जानकारी दिएको छ।

प्रदर्शनीको मुख्य उदेश्य लघु घरेलु उद्योगलाई वैज्ञानिक रुपमा आधुनिकीकरण गर्दै विदेशमा निर्यात गर्ने वातावरण बनाई राष्ट्रिय अर्थतन्त्रलाई परिर्वतन ल्याउने रहेको छ। मेलामा करिब ७० देखि ८० हजार दर्शक भित्र्याउने लक्ष्य संघको रहेको छ।

मेलामा छालाका नयाँ डिजाइनका आधुनिक जुत्ता,चप्पल तथा छाला जन्य वस्तुहरु राखिनेछ। मेलामा नेपाली उत्पादन महिला,पुरुष र बालबालिकाका लागि जुत्ता लगायत अल्लो र हेम्पबाट बनेका वस्तुहरुको प्रदर्शनीमा राखिएको छ। मेलामा अपाङ्ग व्यक्तिहरुलाई विशेष छुटको व्यवस्थासमेत गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एमाले इलामको अध्यक्षमा बराल निर्वाचित

राष्ट्रिय कर दिवसः उत्कृष्ट करदाता सम्मानित

मायादेवी मन्दिरमा लुम्बिनी लायन्सको जर्सी सार्वजनिक