जनयुद्ध दिवसमा सार्वजनिक बिदा दिने सरकारको निर्णयप्रति राप्रपाको असन्तुष्टि

राजनीति

नेपाल लाइभ आइतबार, माघ २९, २०७९ २०:१०

काठमाडौं– जनयुद्ध दिवसका अवसरमा सोमबार सरकारले दिएको सार्वजनिक बिदाप्रति राष्ट्रिय प्रजातन्त्र पार्टीले असन्तुष्टि जनाएको छ।

आइतबार दिउँसो प्रधानमन्त्री तथा मन्त्रिपरिषद्को कार्यालय सिंहदरबारमा बसेको आकस्मिक मन्त्रिपरिषद्को बैठकले फागुन १ गते अर्थात भोलि जनयुद्ध दिवसका अवसरमा सार्वजिनक बिदा दिने निर्णय गरेको थियो।

राप्रपाका प्रवक्ता मोहन श्रेष्ठले कुनै राजनीतिक दलको अगुवाइमा भएको हिंसात्मक द्वन्द्वलाई उत्सवको रुपमा मनाउनु दुर्भाग्य र विडम्बनापूर्ण भएको प्रतिक्रिया दिएका छन्। विसं २०५२ फागुन १ गते तत्कालीन नेकपा माओवादीले पुष्पकमल दाहाल प्रचण्डको नेतृत्वमा जनयुद्ध सुरु गरेको थियो।

बिदाको विषयमा आइतबार बिहान बसेको राजनीतिक संयन्त्रको बैठकमा पनि कुराकानी भएको थिएन। सरकारलाई समर्थन गरेसँगै राप्रपाले सरकारसँग पुस २७ गते पृथ्वी जयन्तीमा बिदा दिन माग गरेको थियो। पुस २७ गते एकता दिवसका रुपमा सरकारले सार्वजनिक बिदा दिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ट्रम्प–पुटिनको भेटपछि स्कोल्जद्वारा युक्रेनका लागि ‘निर्देशित शान्ति’ अस्वीकार

हत्या अभियोगमा फरार दुई जना २० वर्षपछि पक्राउ

फोहोर व्यवस्थापनका विषयमा छलफल गर्न मुख्यसचिवसहितलाई बोलाउन सर्वोच्चको आदेश