बैंकको ब्याजदर बढ्दा उत्पन्न समस्या हल गर्न तत्काल कदम चाल्नुपर्छ : राष्ट्रपति भण्डारी

राजनीति

नेपाल लाइभ शुक्रबार, माघ २७, २०७९ १५:३२

काठमाडौं– राष्ट्रपति विद्यादेवी भण्डारीले बैंकको ब्याजदर वृद्धिबाट उत्पन्न समस्या हल गर्नका लागि तत्काल कदम चाल्नुपर्ने बताएकी छिन्। प्रतिनिधि सभा र राष्ट्रिय सभाको संयुक्त बैठकलाई शुक्रबार सम्बोधन गर्दै उनले यस्तो बताएकी हुन्।

उनले भनिन्, ‘वित्त नीति र मौद्रिक नीतिको सामाञ्जस्यपूर्ण कार्यान्वयनबाट मात्रै आर्थिक सुधार हुन्छ। तरलता अभावमा ब्याजदर बढेकाले उद्योगी मात्रै होइन, आमजनलाई समेत असर पारेको छ।’

देशको आर्थिक अवस्था जटिल मोडमा रहेको उल्लेख गर्दै दीर्घकालीन समस्याको समाधान खोज्नु जरुरी रहेको बताएकी छिन्। यथेस्ट स्रोतको अभाव, कमजोर आर्थिक वृद्धिदर, बढ्दो मुद्रास्फिति र आर्थिक घाटाका विषयमा गम्भीर बन्नुपर्ने बताएकी छिन्।

‘विश्वव्यापीकरणको यो युगमा हाम्रो प्रयास प्रयाप्त हुँदैन। अर्थतन्त्रको समस्या आफ्नै कारणले मात्रै हुँदैन। कोरोना र डेंगु महामारीले समस्या सिर्जना गरेका हुन् तर यिनलाई देखाएर पन्छिने छुट छैन,’ उनको भनाइ छ।

सरकारको वित्त नीतिमा संरचनागत सुधार गर्नुपर्ने देखिएको उनले बताएकी छिन्। औपचारिक अर्थतन्त्रलाई प्रवर्द्धन गर्नेतर्फ वित्त नीति निर्देशित हुनुपर्ने उनको भनाइ छ। सबै प्रकारका आर्थिक क्रियाकलाप औपचारिक प्रणालीमा ल्याउने प्रयास गरिनुपर्ने उनले बताइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माओवादीले माग्यो लेखा समिति सभापतिको राजीनामा

रूस र युक्रेनबीचको युद्धमा उत्तर कोरियाका एक हजार १०० सैनिकको मृत्यु

‘सहकारीको ऋण तिर्दिन भन्नु अराजकता’