उच्चस्तरीय राजनीतिक संयन्त्रको बैठक बालुवाटारमा जारी

राजनीति

नेपाल लाइभ शुक्रबार, माघ २७, २०७९ १०:०५

काठमाडौं– सत्ता साझेदार दलहरुको उच्चस्तरीय राजनीतिक संयन्त्रको बैठक सुरु भएको छ। बिहीबार नै बस्ने भनेर अन्तिम समयमा स्थगित भएको बैठक शुक्रबार बिहान निर्धारित समयभन्दा केही ढिला गरी प्रधानमन्त्रीको सरकारी निवास बालुवाटारमा सुरु भएको हो।

बैठकमा प्रधानमन्त्री पुष्पकमल दाहाल प्रचण्ड, संयन्त्रका संयोजक एवम् नेकपा एमालेका अध्यक्ष केपी शर्मा ओली, राष्ट्रिय स्वतन्त्र पार्टीका सभापति रवि लामिछाने, राप्रपाका अध्यक्ष एवम् उपप्रधान तथा उर्जा, जलस्रोत तथा सिँचाइमन्त्री राजेन्द्र लिङ्देन लगायत नेताहरु सहभागी छन्।

बैठकमा राष्ट्रपतिको निर्वाचन, सत्ता साझेदार दलहरुबीचमा देखिएको समस्या लगायतबारे छलफल हुने जनाइएको छ।

यसअघि बिहीबार नै दिउँसो ३ बजे संयन्त्रको बैठक बस्ने भनिएको थियो। तर, प्रधानमन्त्री पुष्पकमल दाहाल (प्रचण्ड) र संयन्त्रका संयोजक समेत रहेका नेकपा एमालेका अध्यक्ष केपी शर्मा ओलीबीच भेटवार्ता भएपछि शुक्रबार सम्मलाई बैठक सरेको थियो।

राष्ट्रिय स्वतन्त्र पार्टी सरकारबाट बाहिरिएपछि पहिलोपटक संयन्त्रको बैठक बस्न लागेको हो। नागरिकतासम्बन्धी मुद्दामा सर्वोच्च अदालतबाट दोषी ठहर भएका सभापति रवि लामिछानेले पुन: नागरिकता प्राप्त गरी गैरसांसद मन्त्रीको गृह मन्त्रालयको नेतृत्व गर्न खोजे पनि गृह मन्त्रालय नपाएपछि रास्वपा सरकारबाट बाहिरिएको थियो।

बैठकको प्रमुख अजेन्डा भने फागुन २५ गते हुने राष्ट्रपतिको निर्वाचनको विषय भएको बताइएको छ। प्रधानमन्त्री प्रचण्ड र उनको दल माओवादी केन्द्रका नेताहरुले राष्ट्रपतिका सन्दर्भमा राष्ट्रिय सहमति बन्नुपर्ने बताउँदै आएका छन्।

ओली र एमालेका नेताहरुले भने प्रचण्डको नेतृत्वमा सरकार गठनका बेलाको जस्तै राष्ट्रपति आफ्नो पार्टीले अघि सारेको उम्मेदवार हुनुपर्ने बताउँदै आएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ट्रम्प–पुटिनको भेटपछि स्कोल्जद्वारा युक्रेनका लागि ‘निर्देशित शान्ति’ अस्वीकार

हत्या अभियोगमा फरार दुई जना २० वर्षपछि पक्राउ

फोहोर व्यवस्थापनका विषयमा छलफल गर्न मुख्यसचिवसहितलाई बोलाउन सर्वोच्चको आदेश