धनगढी– विश्वासको मतको प्रस्ताव पेस गर्न प्रदेश सभा बैठकको रोस्टममा पुगेका सुदूरपश्चिम प्रदेशका मुख्यमन्त्री राजेन्द्र सिंह रावलले अहिले पनि सहमति गरेर जानुपर्ने अवस्था रहेको बताएका छन्।मुख्यमन्त्री रावलले सुदूरपश्चिमको विकासका लागि एकताबद्ध हुनुपर्ने आवश्यकता रहेको बताए।
उनले को मुख्यमन्त्री बन्ने होडवाजीभन्दा विकासको ढोका खोल्नुपर्ने आवश्यकता रहेको बताए। उनले रेमिट्यान्स भित्राउने कुरामा सुदूरपश्चिम पछाडि रहेको र सीमा सुरक्षा लगायतका विषयमा समस्या भएको बताए।
‘म सबैको सहयोगले मुख्यमन्त्रीको हैसियतामा पुगेको हुँ,’ उनले भने, ‘सुदूरपश्चिम अहिले पनि विकास र समृद्धिमा पछाडि छ। यसलाई अघि बढाउन अहिले पनि मिलेर जानुपर्ने बाध्यता छ।’
आफूले सपथ लिँदै गर्दा ३ सदस्यीय मन्त्रीमण्डल पुस २७ गते बनाएको भन्दै उनले समृद्ध सुदूरपश्चिम निर्माणका लागि भिजनसहित सरकार गठन भएको दाबी गरे।
सहमतीको आधारमा अघि बढ्नका लागि र मुख्य समस्या चिर्नका लागि मिलेर अघि बढ्नुपर्ने उनले बताए। उनले ३ तहका सरकारमा बीचमा सम्वन्वयन हुनुपर्ने उनले बताए। उनले विकासको दृष्टिकोणले सुदूरपश्चिम पछाडि परेको भन्दै त्यसलाई अघि बढाउनुपर्ने चुनौती रहेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
