सिन्धुपाल्चोक– नेपाली कांग्रेसका केन्द्रीय सदस्य एवं सांसद मोहनबहादुर बस्नेतले शैक्षिक क्षेत्रलाई सुधार गर्दै गुणस्तरीय शिक्षा प्रदान गर्नुपर्ने बताएका छन्।
सिन्धुपाल्चोकको बाह्रबिसे नगरपालिका ७ घुम्थाङमा रहेको सरस्वती शंकर माध्यमिक विद्यालयको आठ कोठे भवन उद्घाटन गर्न पुहेका उनले शैक्षिक क्षेत्रको विकास अपरिहार्य रहेको बताए। अहिले २१औं शताब्दी र प्रविधिको जमाना भएकोले शिक्षा क्षेत्रमा धेरै सुधार गर्न आवश्यक रहेको सुनाए।
‘राज्यले अब शिक्षालाई गुणस्तरमा वृद्धि गर्दै नि:शुल्क बनाउन पर्ने छ। अहिले पनि धेरै विद्यार्थीहरुले पैसाकै अभावका कारण पढ्न सक्ने अवस्था छैन’, उनले भनिन्।
विद्यालयको आठ कोठे भवन व्यवसायी शंकर श्रेष्ठले निर्माण गरिदिएका हुन। भवन निर्माण गर्न श्रेष्ठले १ करोड २० लाख रकम सहयोग गरेको विद्यालय व्यवस्थापन समितिले जनाएको छ। भूकम्पपछि अस्थायी टहरोमा विद्यालय संचालन हुँदै आएपछि श्रेष्ठले आफ्नो गाउँको शिक्षा विकास र बालबालिकाको भविष्यलाई बुझ्दै आर्थिक सहयोगका साथै २ रोपनी ७ आना जग्गा समेत दान गरेको विद्यालयले जनाएको छ।
सोमबार नै उनले विद्यालयमा अध्यनरत २८८ विद्यार्थीलाई झोला वितरण गरेका छन्। अहिले विद्यालय १७ वटा कोठे भवनमा सञ्चालन भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
