धनुषामा लागुऔषधसहित चार जना पक्राउ

सुरक्षा/अपराध

नेपाल लाइभ शुक्रबार, माघ १३, २०७९ १४:५८

काठमाडौं– धनुषा प्रहरीले लागुऔषधसहित चार जनालाई पक्राउ गरेको छ।

धनुषाको पिडारी चोकबाट लागुऔषधसहित ४ जनालाई पक्राउ गरिएको धनुषाका प्रहरी प्रवक्ता डीएसपी प्रदीपकुमार क्षेत्रीले बताए।

पिडारी चोकको दक्षिणबाट उत्तरतर्फ जाँदै गरेको अटोमा जुटको बोराभित्र कार्टुनमा राखिएको अवस्थामा प्रतिबन्धित एक्सप्लोन नामक ४९३ बोतल लागुऔषधसहित उनीहरूलाई पक्राउ गरिएको डीएसपी क्षेत्रीले बताए।

पक्राउ पर्नेहरुमा प्रदेश २–०२–००१ स ०३५६ नम्बरको अटो चालक धनुषाको नगराइन नगरपालिका–७ का २२ वर्षीय दिलसाद नदाफ, सोही ठाउँ बस्ने ज ११ प ४४४६ नम्बरको मोटरसाइकलमा सवार चालक २२ वर्षीय भरोसी यादव र सोही मोटरसाइकलमा सवार २१ वर्षीय इसराइन नदाफ रहेका छन्।

अन्य पक्राउ पर्नेहरुमा ज६प१७८ नम्बरको मोटरसाइकल चालक जनकपुरधाम उपमहानगरपालिका– ४ बस्ने ३२ वर्षीय दीपककुमार पूर्वे डीएसपी क्षेत्रीले बताए। प्रक्राउ पर्नेहरुमाथि थप अनुसन्धान भइरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गर्भावस्थामा भिडियो एक्स-रे कहिले र किन ?

नेपाली र दक्षिण कोरियाली कविता वाचन

‘कोशी प्रदेश ऐनलाई संशोधन गर्न बनेको अध्यादेश, २०८१’ सदनमा पेस