काठमाडौं– प्रतिनिधि सभाको उपसभामुख पदका लागि राष्ट्रिय स्वतन्त्र पार्टीकी इन्दिरा राना मगरले उम्मेदवारी दर्ता गराएकी छन्। संघीय संसद् भवन पुगेर मगरले उपसभामुख पदका लागि उम्मेदवारी दर्ता गराएकी हुन्।
मनगरको प्रस्तावकमा राष्ट्रिय स्वतन्त्र पार्टीकी सांसद सोविता गौतम छिन्। यस्तै, नेकपा एमालेका कृष्णगोपाल श्रेष्ठ, माओवादी केन्द्रकी नारायणी शर्मा र राप्रपाका राजेन्द्र लिङ्देन समर्थक छन्।
सत्ता साझेदार दलहरुका तर्फबाट रास्वापाकी मगरको उम्मेदवारी दर्ता भएको हो।
शुक्रबार बिहान बसेको रास्वापा संसदीय दलको बैठकले मगरलाई उपसभामुखको उम्मेदवार बनाउने निर्णय गरेको थियो।
प्रतिनिधि सभाको शनिबार बस्ने बैठकमा उपसभामुख चयनका लागि निर्वाचन (मत विभाजन) हुने कार्यतालिका छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
