चोभार कार दुर्घटना : बागमतीमा वेपत्ता व्यक्ति तीन दिनपछि मृत भेटिए

सुरक्षा/अपराध

नेपाल लाइभ बिहीबार, माघ ५, २०७९ १८:१३

काठमाडौं– कीर्तिपुर नगरपालिका–६ स्थित चोभारमा भएको कार दुर्घटनामा वेपत्ता भएका व्यक्ति मृत भेटिएका छन्।

दुर्घटना भएको तीन दिनपछि सशस्त्र प्रहरी बलको गोताखोर टोलीले वेपत्ता भएका रामकुमार खत्रीको शव बागमती नदीबाट निकालेको हो।

माघ २ गते दिउँसो बा ५ च ५६५४ नम्बरको कार चोभारको जलविनायक पुल नजिकबाट बागमती नदीमा खसेको थियो।

४० वर्षीया अम्बिका लामिछानेले चलाएको कार बागमतीमा खस्दा उनी स्वयम् गम्भीर घाइते भएकी थिइन् भने खत्री हराएका थिए।

No description available.

हराएका खत्रीको खोजी गर्ने क्रममा बिहीबार सशस्त्रको नम्बर १८ निलबाराही गण, नम्बर २० विपद व्यवस्थापन उद्धार गणबाट खटिएको गोताखोर टोलीले नदीबाट शव निकालेको हो।

दक्षिणकाली नगरपालिका–१ वस्ने अन्दाजी ४० वर्षीय खत्रीको शव प्रहरीलाई बुझाइएको सशस्त्र प्रहरी बलका सहायक प्रवक्तासमेत रहेका डीएसपी शैलेन्द्र थापाले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु