काठमाडौं- २०६३ सालमा जारी गरिएको अन्तरिम संविधानमा संघीयता नसमेटिएको भन्दै सुरु भएको मधेस आन्दोलनको सम्झनामा आज मधेसमा बलिदानी दिवस मनाइँदैछ। पछिल्लो समयमा मधेस प्रदेश सरकारले ५ माघमा बलिदानी दिवसका दिन सार्वजनिक बिदा दिँदै आएको छ।
आज पनि मधेस प्रदेश सरकारले प्रदेशस्तरीय सार्वजनिक बिदा दिएको छ भने मधेस केन्द्रित पार्टीहरुले मधेसमा सहिदप्रति श्रद्धाञ्जली दिने कार्यक्रम राखेका छन्।
आजकै दिन ५ माघ २०६३ मा प्रथम मधेस आन्दोलनको क्रममा सिरहाको लहानमा रमेश महतो सहिद भएका थिए।
संघीयता नसमेटिएको भन्दै २०६३ मा तत्कालीन मधेसी जनअधिकार फोरम नेपालका संयोजक उपेन्द्र यादव लगायतका नेताहरुले अन्तरिम संविधानको प्रतिलिपि जलाउँदा प्रहरीले उनलाई पक्राउ गरेपछि आन्दोलन सुरु भएको थियो।
आन्दोलनका क्रममा लहानस्थित लिटिल स्टार बोर्डिङ स्कुलमा अध्ययनरत सिरहा मझौराका विद्यार्थी रमेश महतो पहिलो सहिद भए। त्यसपछि मधेसभर आन्दोलन चर्किएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
