धनगढी– सुदूरपश्चिम प्रदेश सभामुख चयन प्रक्रियामा नागरिक उन्मुक्ति पार्टीका प्रदेश सभा सदस्यहरूमा मत विभाजन हुने देखिएको छ।
सभामुख चयन प्रक्रियामा निर्णायक बनेको उन्मुक्तिले अझै समर्थन गर्ने वा नगर्ने भन्नेबारे निर्णय गर्न सकेको छैन। प्रदेश सभा सदस्यहरू छलफलमै छन्।
माग र मुद्दा सम्बोधन नभएसम्म समर्थन गर्न नहुने केहीको अडान रहेको छ भने केहीले पार्टीको निर्णय मानेर अघि बढ्नुपर्ने धारणा राखेका छन्।
नागरिक उन्मुक्ति पार्टीकी केन्द्रीय अध्यक्ष रञ्जिता श्रेष्ठले सत्ता पक्षका उम्मेदरवालाई मत दिन निर्देशन दिएर हिँडेलगत्तै प्रदेश सभा सदस्यहरू छलफलमा जुटेका थिए। छलफलमा मतैक्यता हुन सकेन।
‘माग र मुद्दाबाटै स्थापित भएका हामी माग पूरा नभएसम्म सरकारलाई समर्थन गर्न सक्दैनौं’, प्रदेश सभाका एक सदस्यले भने।
नाउपा विभाजन भए सभामुखका लागि फेरि कसैले बहुमत नपाउने देखिन्छ। यसअघि भएको निर्वाचनमा कसैले बहुत नपुर्याएपछि सभामुको निर्वाचन मंगलबारका लागि तय गरिएको छ। यसअघि भएको निर्वाचनमा नागरिक उन्मुक्ति पार्टीका सांसदहरू तटस्थ बसेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_Tr387xuecJ-1778130428.jpg)
-1778551198-1778552039.jpeg)
-1764146706.png)
-1779545841.jpg)
