काठमाडौं– कतारमा जारी विश्वकप फुटबलको फाइनलमा आइतबार राति अर्जेन्टिना र फ्रान्स भिड्दैछन्। खेल जित्दै दुवै टोली विश्वकपको तेस्रो उपाधि जित्ने लक्ष्यमा छन्।
विगतका केही वर्षयताको नतिजा र खेलाडीको प्रोफाइलका आधारमा विश्वकप सुरु हुनुभन्दा अघि केलियन एम्बाप्पे प्रेरित फ्रान्सलाई अधिकांशले ब्राजिलपछि प्रमुख दाबेदार मानेका थिए। तर, दाबेदारीको पाँचौ स्थानमा रहेको लियोनल मेसीप्रेरित अर्जेन्टिना फाइनलमा पुगिसकेको छ। अहिले आएर अर्जेन्टिनालाई दाबेदार मान्ने धेरै देखिएका छन्।
विगतको इतिहास हेर्ने हो भने फ्रान्समाथि अर्जेन्टिना हाबी देखिएको छ। अर्जेन्टिना र फ्रान्स हालसम्म १२ पटक भिडेका छन्। जसमा अर्जेन्टिनाले ६ खेल जितेको छ भने फ्रान्सले तीनपटक मात्र नतिजा आफ्नो पक्षमा पारेको छ। यी दुईबीच भएका तीनवटा खेल भने बराबरीमा सकिएका छन्।
अर्जेन्टिना र फ्रान्स विश्वकपमा तीनपटक भिडेका छन्, जसमा अर्जेन्टिना अगाडि छ। १९३० को पहिलो विश्वकपमा अर्जेन्टिनाले फ्रान्सलाई १–० ले हराएको थियो। त्यसपछि विश्वकपको अर्को खेलमा पनि अर्जेन्टिना हाबी देखियो। १९७८ मा घरेलु मैदानमा भएको विश्वकपमा अर्जेन्टिनाले फ्रान्सलाई २–१ ले हराउँदै आफ्नो वर्चश्व कायमै राख्यो।
तर, ४४ वर्षपछि फ्रान्सले यसको बदला लियो। चार वर्षअघि रुसमा भएको विश्वकपको अन्तिम १६ मा फ्रान्सले अर्जेन्टिनालाइ ४–३ ले हराएको थियो। यो खेल निकै रोमाञ्चक बनेको थियो। एक–अर्काले अग्रता उल्ट्याएका थिए। सो खेलमा फ्रान्सको तर्फबाट युवा सनसनी एम्बाप्पेले दुई तथा एन्टोइन ग्रिजमन र बेन्जामिन पाभार्डले एक–एक गोल गरेका थिए। सुपरस्टार मेसीले गोल गर्न सकेनन्, तर दुई असिस्ट गरेका थिए। अर्जेन्टिनाको तर्फबाट गाब्रियल मार्काडो, एंगेल डी मारिया र सर्जियो अग्वेरोले समान एक गोल गरेका थिए।
औसत् टोली अर्जेन्टिनाले उत्कृष्ट टोली फ्रान्ससँग राम्रो प्रतिस्प्र्धा गरेको थियो। हो, आइतबार अर्जेन्टिना फ्रान्ससँग भोगेको त्यही नमिठो हारको बदला दिँदै ३६ वर्षपछि विश्वकपको उपाधि जित्न चाहन्छ।
अर्कोतिर फ्रान्स भने पुनः अर्जेन्टिनालाई स्तब्ध बनाउँदै आफ्नो तेस्रो उपाधि जित्न चाहन्छ। अर्जेन्टिना र फ्रान्स दुवै समान दुई पटकका विश्वविजेता हुन्। यसर्थ, आज राति विश्वकप जित्दै एक–अर्कालाई पछि पार्न चाहन्छन्।
फाइनल खेल आइतबार राति ८ः४५ बजे दोहास्थित लुसाइल रंगशालामा हुनेछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
![Nepal Live Samachar नेपाल लाइभ समाचार, जेठ २९ [भिडियाे]](https://nepallive.net/uploads/posts/500X300/samachar++-299-1718118150.jpg)
![Nepal Live Samachar नेपाल लाइभ समाचार, जेठ २७ [भिडियाे]](https://nepallive.net/uploads/posts/500X300/samachar++-1717941479.jpg)
