फुटबल

चार वर्षअघिको नमिठो हारको बदला लिँदै ३६ वर्षपछि विश्वकप जित्ने अर्जेन्टिनाको दाउ, फ्रान्सको लक्ष्य लगातार उपाधि

नेपाल लाइभ आइतबार, पुस ३, २०७९ १७:२२

काठमाडौं– कतारमा जारी विश्वकप फुटबल आज सकिँदैछ। आज राति अर्जेन्टिना र फ्रान्समध्ये एक विजेता बनेसँगै कतार विश्वकप सकिनेछ।

सुपरस्टार लियोनल मेसीको कप्तानीमा रहेको अर्जेन्टिना ३६ वर्षे उपाधि खरेडी तोड्दै विश्वकप जित्न चाहन्छ। सन् १९८६ मा डिएको म्याराडोनाको कप्तानीमा जितेयता अर्जेन्टिना दुईपटक फाइनलमा पुगेर पनि उपाधि जित्नबाट बञ्चित भएको छ।

अर्कोतिर साविक विजेताख फ्रान्स भने फाइनलमा अर्जेन्टिनालाई निरास बनाउँदै लगातार उपाधि जित्न चाहन्छ। १९५८ र ६२ मा ब्राजिलले लगातार विश्वकप जितेयता सबै टोली असफल हुँदै आएका छन्।

अर्जेन्टिना र फ्रान्स विश्वकपमा तीनपटक भिडेका छन्, जसमा अर्जेन्टिना अगाडि छ। १९३० को पहिलो विश्वकपमा अर्जेन्टिनाले फ्रान्सलाई १–० ले हराएको थियो। त्यसपछि विश्वकपको अर्को खेलमा पनि अर्जेन्टिना हाबी देखियो।

१९७८ मा घरेलु मैदानमा भएको विश्वकपमा अर्जेन्टिनाले फ्रान्सलाई २–१ ले हाराउँदै आफ्नो वर्चश्व कायमै राख्यो।

तर, ४४ वर्षपछि फ्रान्सले यसको बदला लियो। चर वर्षअघि रुसमा भएको विश्वकपको अन्तिम १६ मा फ्रान्सले अर्जेन्टिना ४–३ ले हराएको थियो। यो खेल निकै रोमाञ्चक बनेको थियो। एक–अर्काले अग्रता उल्ट्याएका थिए।

सो खेलमा फ्रान्सको तर्फबाट युवा सनसनी केलियन एम्बाप्पेले दुई तथा एन्टोइन ग्रिजमन र बेन्जामिन पाभार्डले एक–एक गोल गरेका थिए। सुपरस्टार मेसीले गोल गर्न सकेनन्, तर दुई असिस्ट गरेका थिए। अर्जेन्टिनाको तर्फबाट गाब्रियल मार्काडो, एंगेल डी मारिया र सर्जियो अग्वेरोले समान एक गोल गरेका थिए।

औसत् टोली अर्जेन्टिनाले उत्कृष्ट टोली फ्रान्ससँग राम्रो प्रतिस्पर्धा गरेको थियो। हो, आज अर्जेन्टिना फ्रान्ससँग भोगेको त्यही नमिठो हारको बदला दिँदै ३६ वर्षपछि विश्वकपको उपाधि जित्न चाहन्छ।

अर्कोतिर फ्रान्स भने पुनः अर्जेन्टिनालाई स्तब्ध बनाउँदै आफ्नो तेस्रो उपाधि जित्न चाहन्छ। अर्जेन्टिना र फ्रान्स दुवै समान दुई पटकका विश्वविजेता हुन्। यसर्थ, आज राति विश्वकप जित्दै एक–अर्कालाई पछि पार्न चाहन्छन्।

फाइनल खेल आज राति ८ः४५ बजे दोहास्थित लुसाइल रंगशालामा हुनेछ।

यो पनि पढ्नुहोस

एमबाप्पेलाई ४ वर्षअघि जस्ताे अर्जेन्टिनालाई जित्न सजिलाे छैन: पूर्वइंग्लिस मिडफिल्डर डानी मर्फी

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरको कलुवापुरमा बस दुर्घटना हुँदा ३१ जना घाइते

पाकिस्तानको साम्प्रदायिक हिंसामा ३२ जनाको मृत्यु

रसुवाका तीनवटा आयोजनाबाट राष्ट्रिय प्रसारण प्रणालीमा थपियो १६८ मेगावाट विद्युत