एमबाप्पेलाई ४ वर्षअघि जस्ताे अर्जेन्टिनालाई जित्न सजिलाे छैन: पूर्वइंग्लिस मिडफिल्डर डानी मर्फी

फुटबल

नेपाल लाइभ आइतबार, पुस ३, २०७९ १३:२४

डानी मर्फीचार वर्षअघि विश्वकपमा फ्रान्सले ४-३ गाेलले जित निकाल्दा केलियन एमबाप्पेले अर्जेन्टिनाकाे पुरै टिमलाई तहसनहस पारेकाे मैले देखेको थिएँ। तर कतारमा जारी विश्वकपमा उनलाई लिओनल मेसीलाई हराउन साेचे जस्ताे सहज छैन। यसपालि दक्षिण अमेरिकी टिम धेरै फरक देखिएकाे छ रुसकाे विश्वकपभन्दा। अर्जेन्टिनी टिम धेरै अनुशासित र विपक्षीलाई खेल्न कम स्पेस दिएकाे देखिन्छ। साउदी अरेबियाविरुद्ध सुरुवाती खेल र हल्याण्डविरुद्ध १५ मिनेटको पागलपन बाहेक अर्जेन्टिनाकाे डिफेन्स लाइन बलियाे देखिन्छ। उसले भिन्न फर्मेशनमा लचिलाे रणनीतिका साथ आफूलाई प्रमाणित गरेकाे छ। मोरक्कोले इन्जुरीकाे समयबाहेक निर्धारित समयमा एमबाप्पेलाई रोक्न विङ्लाई जसरी कसिलाे बनाएकाे थियाे, त्याे अर्जेन्टिनाले गर्छ कि गर्दैन, त्याे राेचक बन्नेछ। म विश्वस्त छु, लिओनल स्कालोनीले मोरक्कोले कसरी फ्रान्सलाई समस्यामा पार्याे, त्यसकाे अध्ययन गर्नेछन्। जसरी अघिल्लाे दुई खेलमा अचर्फ हाकिमी र काइल वाकर एमबाप्पेलाई राेक्न प्रभावकारी देखिए, त्यतिकै प्रभावकारी आजकाे खेलमा नावेल माेलिना हाेलान कि नहाेलान, त्याे भने राेचक हुनेछ।

मलाई लाग्दैन, यसपालि गत विश्वकपमा झैं ७ गाेलकाे थ्रिलर हुनेछ। तर प्रतिस्पर्धा तिब्र हुनेमा कुनै शंका छैन। एकै पलकाे जादूले खेलको निर्णय हुनसक्छ। यो माैका मेसीले निकाल्ने छन् कि एमबाप्पेले, विश्वले हेर्न चाहेकाे चिज पनि यही हाे।

आजकाे खेलकाे कुरा गर्दा मैले मेरो टाउको र मुटु विभाजित भएकाे पाउँछु। तर्कले भन्छ, फ्रान्स टाेलीमा माैका ज्यादा निकाल्न सक्ने खेलाडीकाे जमघट छ। तर म अर्जेन्टिनाले जितेको हेर्न चाहन्छु, मेसी र उनीहरूका फ्यानहरूका लागि। जसले सम्पूर्ण कतारी अनुभवमा ठूलो योगदान दिएका छन्। मेसीले पछिल्ला तीन खेलमा उत्कृष्ट प्रदर्शन गरेका छन् र ती सबैमा गोल गरेका छन्।

के उनले अन्तिम पटक पनि याे गर्न सक्लान? अर्जेन्टिनाकाे आशा छ, फ्रान्सले एमबाप्पेलाई आक्रमणमा मात्र केन्द्रीत गराएकाे छ। यसले फ्रान्सलाई रक्षात्मक रूपमा कमजोर बनाउँछ।

माेरक्काेविरुद्ध खेलमा एमबाप्पे नजमेपछि प्रशिक्षक डिडियर डेसच्याम्प्सले अन्ततः मार्कस थुरामलाई देब्रेपट्टि ल्याएर एमबाप्पेलाई सेन्ट्रलकाे भूमिका दिएका थिए।

जुवाहरुमा पनि दुवै टिमकाे जित्ने माैका ५०–५० प्रतिशत भनिएकाे छ। म पनि विभाजित छु। मलाई विश्वास छ–फ्रान्सले यसलाई जित्ने छ, तर हुनसक्छ मेसीका लागि ट्रफी उचाल्ने सूर्वण अक्षरले लेखिएकाे छ कि! कतारमा एक महिना लामाे बसाइँपछि म आफ्नाे छोरासँग फाइनल हेर्न समयमै इंग्ल्याण्ड फर्किदैछु। कम अन अर्जेन्टिना!

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

धनकुटा र उदयपुरमा प्रहरीद्वारा ६४ हजार गाँजाका बोट फडानी

प्यालेस्टाइनमाथिको आक्रमण रोक्न माग गर्दै काठमाडौंमा प्रदर्शन

ईयुले नाइजरका लागि खटाएका दूत फिर्ता बोलायो