फाइल तस्बिर।
काठमाडौं– स्याङ्जा–२ बाट प्रतिनिधि सभा सदस्यमा नेपाली कांग्रेसका उपसभापति धनराज गुरुङ निर्वाचित भएका छन्। उनले एमालेकी सचिव पद्मा अर्याललाई पराजित गरे।
शनिबार राति सम्पन्न मतगणना अनुसार गुरुङले ३१ हजार ४६६ मत पाउँदा अर्यालले २५ हजार ८३९ मत पाइन्।
अघिल्लोपटक कांग्रेसका गोपालमान श्रेष्ठलाई हराउँदै विजयी भएकी अर्याल यसपटक भने पराजित भइन्। गुरुङ निर्वाचित भएसँगै कांग्रेसले प्रत्यक्षतर्फ प्रतिनिधि सभामा ५६ सिट पुर्याएको छ।
यस्तै, राष्ट्रिय स्वतन्त्र पार्टीका उम्मेदवार टिकराज गुरुङले ८ हजार ११३ मत पाए। १ लाख १६ हजार ६७८ मतदाता रहेको स्याङ्जा–२ ७० हजार १ सय ९१ मत खसेको थियो।
मतदानका क्रममा नेपाली कांग्रेसले केही मतदान केन्द्रमा बुथ कब्जा गरेको भन्दै एमालेले पुनः मतदानको माग गर्दै निर्वाचन आयोगमा निवेदन दिएपनि आयोग पुन: मतदान नगर्ने निर्णय गरेपछि गणना सुरु भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1700407943.jpg)
