काठमाडौं– विश्वकप ट्रफी दास्रोटक उचाल्ने लक्ष्यसहित कतारको प्रचण्ड गर्मीमा उत्रिएको युरोपियन टिम स्पेनले सानदार सुरुवात गर्यो। समूहचरणको पहिलो खेलमा कोस्टारिकालाई ७–० ले हराउँदै स्पेनले रेकर्ड नै राख्यो। स्पेनका लागि विश्वकप इतिहासमा यो नै अहिलेसम्मकै ठूलो अन्तरको जित थियो।
स्पेनलाई सानदार जित दिलाउने क्रममा युवा स्टार तथा ‘गोल्डेन ब्वाइ’ गाभीले उत्कृष्ट प्रदर्शन मात्रै गरेनन्, १ गोल समेत गरे। उत्कृष्ट गोल गरेका गाभी स्वयम् विश्वकपमा गोल गर्ने तेस्रो सबैभन्दा कान्छा खेलाडी समेत भए। अझ गाभीका लागि विश्वकप डेब्यु अर्को स्मरणयोग्य भयो, उनी म्यान अफ म्याच समेत घोषित भए।
खेल सकिएपछि स्पेनिस टिम दोहास्थित अल थुमामा रंगशालाको ड्रेसिङ रुपमा पुग्यो। ड्रेसिङमै देखा परे स्पेनिस राजा फिलिप छैटौं।
स्पेनिस टिमको हौसलाका लागि कतार पुगेका उनी आफ्नो टिमको ड्रेसिङ रुममा गएर ‘गोल्डेन ब्वाइ’ गाभी उर्फ पाब्लो मार्टिनेज गाभिराको अगाडि पुगे। आफूले बोकेको गाभीले लगाउने ९ नम्बरको जर्सी निकाले र गाभीसँग अटोग्राफ लिए। आफ्नो राष्ट्रिय टिमको जर्सीमा गाभीले राजा फिलिपलाई अटोग्राफ दिए। त्यसपछि राजा आफ्नो बाटो लागे। कुरो यत्तिमै सकिएको थियो।
जब गाभीले राजा फिलिपलाई आफ्नो जर्सी नम्बरमा अटोग्राफ दिएको फोटो सार्वजनिक भयो त्यसपछि भने उक्त फोटाको विषयलाई लिएर अहिले अनेक चर्चापरिचर्चा भएका छन्। यसको पछि केही कारण पनि रहेको उल्लेख गरिएको छ।
राजाले गाभीलाई ‘हस्ताक्षर’ गर्न लगाएको जर्सी यति सानो साइजको थियो कि त्यो जर्सी राजालाई ठिक हुने थिएन। सानो साइजको जर्सीमा अटोग्राफ लिनुको पछाडि राजा फिलिपकै छोरी अर्थात् राजकुमारी लेनोरको मुख्य भूमिका रहेको भन्दै अन्तर्राष्ट्रिय मिडियामा चर्चा भइरहेको छ।
राजकुमारी लेनोर गाभीको ठूलो फ्यान भएको विषयहरु यसअघि नै सार्वजनिक भएका थिए। तर राजा फिलिपले छोरीका लागि सानो जर्सीमा गाभीसँग अटोग्राफ लिएपछि भने उनीहरुको सम्बन्ध प्रेमी–प्रेमिकाका रुपमा हुनसक्ने भन्दै आशंका समेत गरिएको छ।
राजकुमारी लेनोर भर्खर १७ वर्षकी भइन् भने गाभी १८ वर्षका छन्। बार्सिलोनाका स्टार मिडफिल्ड गाभी अहिले कतारमा पनि उस्तैगरी चम्किरहेका छन्। गाभी र राजकुमारी लेनोरको विषयलाई लिएर अहिले अनेक चर्चा सुरु भएका छन्।
ड्रेसिङ रुपमा पुगेका राजा फिलिफले कोस्टारिकाविरुद्ध उत्कृष्ट नतिजा निकालेको भन्दै बधाई समेत दिएका थिए। उक्त खेलमा गाभीले आफ्नो व्यक्तिगत पहिलो तथा स्पेनको तर्फबाट पाँचौं गोल गरेका थिए।
सानो जर्सीमा गाभीको अटोग्राफ लिएपछि स्पेनकै टेलिभिजन टेलिसिनोकले राजा फिलिपले उक्त जर्सीमा गाभीको साइन गराउनुको पछाडि छोरी लेनोरको हात छ? भनेर प्रश्न सतेम गरेको थियो।
स्पेनिस टिमको उक्त जर्सी इन्फान्टा सोफियालाई समेत ठिक हुने साइजको भएको उल्लेख गरिएको छ। इन्फान्टा पनि राजा फिलिपकै छोरी हुन्। राजा फिलिप, रानी लेटिजाया आर्टिज तथा छोरीहरुले स्पेनिस टिममा समर्थन देखाइरहन्छन्।
रानी लेटिजाया र उनका छोरीहरुले ‘वुमन’ युरोकप लन्डनमा सँगै बसेर हेरेका थिए। खेल सकिएपछि त्यतिबेला उनीहरुले खेलाडीसँग भेटघाट समेत गरेका थिए। रोयल स्पेनसि फुटबल फेडेरेसनले राजकुमारीलाई स्पेनिस टोलीबाट प्रत्येकको नामसहित २ वटा जर्सी समेत प्रदान गरेको थियो।
गाभीसँग नाम जोडिएकी राजकुमारी लेनोर मड्रिडबाट टाढा नयाँ शैक्षिक गन्तव्य सुरु गरेकी छन्। उनी वेल्समा अध्ययन गर्छिन्। उनले त्यहाँ २ वर्षसम्म अध्ययन गर्ने बताइएको छ। त्यहाँ धेरै ठाउँका शाही परिवारका छोराछोरीहरु अध्ययन गर्ने गर्छन्।
अन्तर्राष्ट्रिय मिडियामा चर्चा यतिसम्म भइरहेको छ कि राजकुमारी लेनोरले गाभीसहित स्पेनको राष्ट्रिय टोलीको फोटोलाई आफ्नो किताबको कभर बनाएकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
