चर्चित धाविका पिटी उषा बनिन् भारतीय ओलम्पिक कमिटीको पहिलो महिला अध्यक्ष

अन्य

नेपाल लाइभ बुधबार, मंसिर १४, २०७९ १०:१२

काठमाडौं– चर्चित धाविका पिटी उषा भारतीय ओलम्पिक कमिटीको पहिलो महिला अध्यक्ष बन्न सफल भएकी छिन्। सोमबार ५८ वर्षीय उषालाई ओलम्पिक कमिटीको अध्यक्षमा सर्वसम्मत निर्वाचित गर्ने निर्णय भएको हो।

पहिले उनीविरूद्ध अरुले पनि उम्मेदवारी दिएका थिए। तर पछि सहमति बनेको हो। सुटिङ संघका अध्यक्ष अजय पटेल पनि सर्वसम्मत उपाध्यक्ष नियुक्त भएका छन्।

उषा भारतीय ओलम्पिक कमिटीको १६औं अध्यक्ष हुन्। अब उनले कार्यबाहक अध्यक्ष आदिल सुमरीवालाको ठाउँ लिनेछिन्। सन् २०१७ को डिसेम्बरदेखि २०२२ सम्म नरेन्द्र बत्रा भारतीय ओलम्पिक कमिटीको अध्यक्ष थिए। २५ मेदेखि अनिल खन्नालाई कार्यबाहाक बनाइएको थियो। २१ अगस्टमा सुमरीवालाले बत्रालाई प्रतिस्थापन गरेका थिए।

भारतीय ओलम्पिक कमिटीको चुनावका लागि २७ नोभेम्बरसम्म उम्मेदवारी दिने समय तय गरिएको थियो। चुनाव समितिका उमेश सिन्हाले अन्य पदका लागि २४ जनाले उम्मेदवारी दर्ता गराए पनि अध्यक्ष पदमा पिटी उषाको नाम मात्र दर्ता भएको जानकारी दिए।

गृह राज्यमन्त्री तथा पूर्व खेलमन्त्री किरण रिजिजुले उषालाई बधाई दिएका छन्। सन् १९८४ को लस एजल्स ओलम्पिकबाट चर्चामा आएकी उषाले ४ सय मिटर हर्डलमा चौथो स्थान बनाएकी थिइन्।

उनले १९८६ को सिओल एसियन गेम्समा ४ गोल्ड र एक सिल्भर मेडल जितेकी थिइन्। उनले १९८३ देखि १९८९ बीचको खेल जीवनमा १४ अन्तर्राष्ट्रिय स्वर्ण पदक जितेकी थिइन्। उनलाई भारत सरकारले १९८५ मा पद्मश्रीबाट सम्मानित गरेको थियो। ६ जुलाई २०२२ मा राज्यसभाको सदस्य नियुक्त गरिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

मुलुक प्रधानमन्त्रीले नभई बिचौलियाहरुले चलाइरहेछन् : उपेन्द्र यादव

गीत बजाएको आरोपमा १४ जना पक्राउ

कावासोतीमा मोटरसाइकल दुर्घटनामा परी दाजुभाइको मृत्यु