काठमाडौं– नेपाली कांग्रेसले मंसिर ४ गते सम्पन्न भएको प्रतिनिधि सभा र प्रदेश सभाको निर्वाचनमा स्याङ्जा– २ र बाजुराको मत गणना तत्काल शुरु गर्न माग गरेको छ। मंगलबार निर्वाचन आयोग पुगेर कांग्रेसको टोलीले यस्तो माग गरेको हो। प्रमुख निर्वाचन आयुक्त दिनेशकुमार थपलियालाई भेटेर कांग्रेसको टोलीले ४ बँदे ज्ञापनपत्र बुझाएको छ।
निर्वाचन अधिकृतको कार्यालय, क्षेत्र नं. २ स्याङ्जाले मंसिर ६ गते आयोगसमक्ष किटानी राय पेश गरिसकेको अवस्थामा रीतपूर्वक सम्पन्न भएको निर्वाचनबाट प्राप्त मतपेटिकाहरूमा सुरक्षित तमाम मतदाताबाट अभिव्यक्त मताधिकारको सुरक्षा र सम्मान गर्नु यस आयोगको कर्तव्य भएको कांग्रेसको ज्ञापनपत्रमा उल्लेख छ।
आयोगले प्रकाशित गरेको देशभरका मतदाताको अन्तिम नामावलीमा कुनै त्रुटि रहे–भएको भए त्यसको कानूनी परिणामको भागीदार आयोग स्वयम् हुने भन्दै कांग्रेसले ‘सबै मतपेटिका सुरक्षित रुपमा मतदान अधिकृतले प्रक्रियागत रुपमा बुझाइसकेको अवस्था देखिएको, कानूनी प्रक्रिया पूरा गरी कागजातसहित मतदान अधिकृतले ल्याएका मतपेटिकाहरू कांग्रेस, नेकपा (एमाले) समेतका प्रतिनिधिको रोहोबरमा निर्वाचन अधिकृतको कार्यालयले बुझी भरपाई गरिदिएको’ उल्लेखित पृष्ठभूमिमा गणना हुनुपर्ने माग गरेको छ।
आयोगले यी क्षेत्रको कुनै निर्वाचन रद्द गराउन नसक्ने अवस्था रहेकोले उल्लेखित निर्वाचन क्षेत्रको मतगणना सम्बन्धी कार्य तत्काल अगाडि बढाउनू भनी निर्वाचन अधिकृतको कार्यालय, स्याङ्जा– २ र बाजुरालाई निर्देशन दिन काग्रेसले माग गरेको छ। स्याङजा– २ मा कांग्रेसबाट धनराज गुरुङ र एमालेबाट पद्या अर्याल उम्मेदवार छन्। उक्त क्षेत्रमा कांग्रेसले वुथ कब्जा गरेको एमालेको आरोप छ।
त्यस्तै बाजुरामा पनि बुथ कब्जा गरिएको एमालेको आरोप छ। बाजुरामा निर्वाचनको क्रममा २ जनाको ज्यानसमेत गएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736655415.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
