काठमाडौं- नेकपा एकीकृत समाजवादीले प्रत्यक्षतर्फ १० सिट जितिसकेको छ। मतगणना र मतदान बाँकी रहेका क्षेत्रमा उसका उम्मेदवार नभएकाले उसको सिट थपिने सम्भावना छैन। अब उनको ध्यान समानुपातिकतर्फ राष्ट्रिय पार्टी बन्ने र केही सिट आर्जन गर्नेतर्फ छ।
तर, समानुपातिकतर्फको मतगणनाको ट्रेन्ड केलाउँदा उसले तीन प्रतिशत थ्रेसहोल्ड कटाउने सम्भावना ज्यादै न्युन रहेको देखिन्छ।
मंगलबार बेलुका ५ बजेसम्म समानुपातिकर्तफ ९८ लाख ३० हजार ८८३ मत गणना भइसकेको छ। त्यसको आधारमा एकीकृत समाजवादीले केवल २.८३ प्रतिशत मत पाएको छ। अब सो पार्टीले उल्लेखनीय रुपमा मत बढाउँदा मात्रै थ्रेसहोल्ड कटाउन सक्छ। जुन अहिलेकै ट्रेन्डले सम्भव छैन।
प्रत्यक्षतर्फ १० सिट जितेर चौथो ठूलो दल बनेको भए पनि समानुपातिकमा न्युन मतले उसलाई राष्ट्रिय पार्टी बन्नका लागि बाधा पुर्याउने देखिन्छ।
गठबन्धन गरेर निर्वाचनमा होमिएको एकीकृत समाजवादीका उम्मेदवारले जितेको निर्वाचन क्षेत्रमै पनि सो दलले समानुपातिकमा न्युन मत पाइरहेको देखिन्छ। मंगलबार बेलुका पाँच बजेसम्मको तथ्यांक अनुसार सो पार्टी कतै तेस्रो र कतै आठौँ स्थानमा देखिन्छ।
एकीकृत समाजवादीका उम्मेदवार कृष्णकुमार श्रेष्ठले ३० हजार ३४१ मत सहित जित निकालेका थिए। तर सोही क्षेत्रमा एकीकृत समाजवादी समानुपातिकतर्फ आठौँ स्थानमा छ। उसले अहिलेसम्म सो क्षेत्रमा ४ हजार ६९१ मत पाएको छ।
अध्यक्ष माधवकुमार नेपाल रौतहट- १ बाट निर्वाचित हुँदा ३३ हजार ५२२ मत पाएका छन्। तर सोही क्षेत्रमा समानुपातिकतर्फ एकीकृत समाजवादी तेस्रो स्थानमा छ।
त्यस्तै, राजेन्द्रप्रसाद श्रेष्ठ निर्वाचित भएको क्षेत्र धादिङ- १ मा एकीकृत समाजवादी समानुपातिकतर्फ पाँचौँ, प्रकाश ज्वाला निर्वाचित सल्यान- १ मा चौथो, मेटमणि चौधरी निर्वाचित दाङ- १ मा छैटौँ स्थानमा छ।
एकीकृत समाजवादीले उम्मेदवारी दिएर पराजित भएको स्थानमा पनि ऊ समानुपातिकतर्फ भने पाँचौँदेखि आठौँ स्थानमा छ।
मत गणना जारी छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736655415.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
