नेप्से परिसूचकमा झिनो अंकको बृद्धि, ९५ करोड ७० लाखको कारोबार

बैंक/बिमा/सेयर

नेपाल लाइभ मंगलबार, मंसिर १३, २०७९ १५:४८

काठमाडौं– धितोपत्र बजारमा सेयर कारोबार मापक नेप्से परिसूचक झिनो अंकले उकालो लागेको छ। नेपाल स्टक एक्सचेञ्जका अनुसार नेप्से परिसूचक दुई दशमलव ९९ अंकले उकालो लागेर एक हजार नौ सय ५३ दशमलव ३५ मा पुगेको छ।

ठूला कम्पनीको कारोबार मापन गर्ने सेन्सेटिभ परिसूचक शून्य दशमलव शून्य आठ अंकले उकालो लागेर तीन सय ८२ दशमलव ६९ मा कायम छ। मंगबारको कारोबारमा कूल तीन सय ३४ कम्पनीको २५ लाख ८९ हजार नौ सय ९७ कित्ता सेयर ९५ करोड ७० लाख ६० हजार दुई सय २५ मूल्यमा खरिद बिक्री भए।

नेप्सेका अनुसार कारोबारका आधारमा हिमालयन डिस्टिलरी शीर्ष स्थानमा छ। सो कम्पनीको नौ करोड ७२ लाख ७५ हजार तीन सय ८२ बराबरको कारोबार भयो।

नबिल बैंक चार करोड ३१ लाख ६१ हजार आठ सय ९२, शिवम् सिमेन्ट चार करोड २२ लाख चार हजार नौ सय ३५, नेष्डो समृद्धि लघुवित्त तीन करोड १८ लाख ५९ हजार चार सय २१ र एनसीसी बैंक दुई करोड ५२ लाख २५ हजार सात सय ९१ बराबरको कारोबार भई शीर्ष पाँचभित्र पर्न सफल भए।

नेप्सेका अनुसार धौलागिरी लघुवित्त छ दशमलव १०, एनसीसी बैंक पाँच दशमलव शून्य पाँच, एनआइसी एशिया बैंक चार दशमलव १८, गुह्यश्वरी मर्चेन्ट बैंक चार दशमलव शून्य तीन र खप्तड लघुवित्तका लगानीकर्ताले चार दशमलव शून्य दुई प्रतिशतले कमाएका छन्।

त्यस्तै, एनआइसी एशिया ब्यालेन्स फण्ड चार दशमलव ६०, ग्लोबल आइएमई ब्यालेन्स फण्ड एक तीन दशमलव ६८, नेपाल एसआइबी बैंक तीन दशमलव ६३ ,सिद्धार्थ इन्स्योरेन्स तीन दशमलव ४४ र नबिल ब्यालेन्स फण्ड तीनका लगानीकर्ताले दुई दशमलव ६० प्रतिशतले गुमाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

साढे ३ वर्षपछि पहिलो पटक राप्रपा कार्यालय पुगे कमल थापा

कम्युनिष्ट पार्टीहरु एक ठाउँमा आउनुपर्छ : महासचिव वैद्य

गर्मी बढेसँगै सर्पको बिगबिगी