समानुपातिकतर्फ ९६ लाख मत गनियो, एमालेले २६ लाख कटायो

राजनीति

नेपाल लाइभ मंगलबार, मंसिर १३, २०७९ ११:३३

काठमाडौं– प्रतिनिधिसभा र प्रदेशसभाको यही मंसिर ४ गते सम्पन्न निर्वाचनअन्तर्गत समानुपातिकतर्फको मतगणना जारी छ। निर्वाचन आयोगका अनुसार हालसम्म कूल ९६ लाख ७० हजार ८८३ मतगणना भएको छ।

मंगलबार बिहान ११.२० बजेसम्मको गणना अनुसार नेकपा (एमाले)ले २६ लाख ७ हजार ४७२ मत प्राप्त गरेको छ। यस्तै, नेपाली कांग्रेसले २४ लाख ७० हजार २३४ मत प्राप्त गरेको छ।

नेकपा (माओवादी केन्द्र)ले ११ लाख ९ हजार ७७९ मत प्राप्त गर्दा राष्ट्रिय स्वतन्त्र पार्टीले १० लाख ७९ हजार ९४ मत प्राप्त गरेको छ।

राष्ट्रिय प्रजातन्त्र पार्टीले पाँच लाख ५४ हजार ७५७, जनता समाजवादी पार्टीले तीन लाख ६७ हजार ७७३ मत प्राप्त गरेको छ।

आयोगका अनुसार जनमत पार्टीले तीन लाख १६ हजार ६५३ र नेकपा( एकीकृत समाजवादी)ले दुई लाख ६८ हजार ४७९ मत प्राप्त गरेको छ।

नागरिक उन्मुक्ति पार्टीले दुई लाख ४५ हजार ५६१, लोकतान्त्रिक समाजवादी पार्टीले एक लाख ३८ हजार ६९८, नेपाल मजदूर किसान पार्टीले ७३ हजार २४३, हाम्रो नेपाली पार्टीले ५३ हजार ३६५ , मङ्गोल नेशनल अर्गनाइजेशनले ४६ हजार ९१० र राष्ट्रिय जनमोर्चाले ४५ हजार ३५० मत प्राप्त गरेका छन्।

प्रतिनिधिसभामा राष्ट्रिय दलको मान्यता प्राप्त गर्नका लागि प्रत्यक्षतर्फ कम्तीमा एक सिट जित्नुपर्छ भने समानुपातिकमा तीन प्रतिशत मत प्राप्त गर्नुपर्छ। कूल खसेको सदर मतको तीन प्रतिशत थ्रेस होल्ड कटाएपछि राष्ट्रिय दलको मान्यता तथा सेवा सुविधा प्राप्त हुन्छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज