काठमाडौं- प्रतिनिधि सभा तथा प्रदेश सभा निर्वाचनमा दलका केही शिर्ष नेताले आफैं उम्मेदवार रहे पनि आफैंलाई मतदान गर्न पाएनन्। जसमा नेकपा माओवादी केन्द्रका अध्यक्ष पुष्पकमल दाहाल प्रचण्ड एक हुन्। चितवन स्थायी घर भएका प्रचण्ड गोरखा क्षेत्र- २ बाट प्रतिनिधि सभाका उम्मेदवार रहेका छन्। प्रचण्डले चितवनको भरतपुर १४ नेपाल प्रहरी विद्यालयको क केन्द्रबाट मतदान गरेका छन्। मतदान लगत्तै प्रचण्ड गोरखा प्रस्थान गरेका छन्।
यस्तै, नेकपा एमालेका अध्यक्ष केपी शर्मा ओलीले पनि आफैँलाई मतदान गर्न पाएनन्। झापा क्षेत्र नंबर ५ मा उम्मेदवार रहेका ओलली भक्तपुरको सूर्यविनायक नगरपालिका २ स्थित महेन्द्र शान्ति मावि बाट मतदान गर्नेछन्। ओली ११ बजे मतदान गर्न जाने बताइएको छ।
राष्ट्रिय जनमोर्चाका अध्यक्ष चित्रबहादुर केसी बागलुङ १ बाट उम्मेदवार रहेका छन्। तर उनी रुपन्देही जिल्लाको तिलोत्तमा नगरपालिका ९ बाट मतदान गर्ने छन्।
पूर्वसभामुख तथा माओवादी केन्द्रको स्थायी कमिटी सदस्य ओनसरी घर्तीले पनि आफूलाई मत दिन पाउने छैनन्। उनी काठमाडौं २ को उम्मेदवार हुन्। तर रोल्पाको रोल्पा नगरपालिका ७ स्थित बाल उदय माध्यमिक विद्यालय, माडीचौरको मतदाता हुन्।
यस्तै, मोरङ क्षेत्र नंबर ५ का मतदाता रहेका जसपा अध्यक्ष उपेन्द्र यादव सप्तरी २ बाट उम्मेदवारी दिएका छन्। यस्तै, लोसपाका अध्यक्ष महन्थ ठाकुरले सर्लाही क्षेत्र नंबर १ बाट मतदान गरेका छन्। ठाकुरले उम्मेदवारी भने महोत्तरी ३ बाट दिएका छन्।
यस्तै, राष्ट्रिय स्वतन्त्र पार्टीका अध्यक्ष रवि लामिछानेले चावहिल महांकालको पानीट्यांकी मतदान केन्द्रमा मतदान गरेका छन्।लामिछाने चितवन क्षेत्र नंबर २ बाट उम्मेदवार रहेका छन्। मतदानपछि मतदानस्थलमा प्रतिक्रिया दिँदै उनले आफ्नो निर्वाचन क्षेत्र पनि रहेको चिवतन प्रस्थान गर्न लागेको बताएका थिए ।
यसैगरी काठमाडौं क्षेत्र नम्बर १ का उम्मेदवार प्रकाशमान सिंह र रवीन्द्र मिश्रले पनि आफैंलाई मतदान गर्न पाएनन्। उनीहरुको पनि अन्य क्षेत्रमा नामावली छ।
बागलुङको निर्वाचन क्षेत्र नम्बर १ बाट प्रतिनिधि सभा सदस्य पदका उम्मेदवार राष्ट्रिय जनमोर्चाका अध्यक्ष चित्रबहादुर केसीले मतदान गर्न पाएनन् ।
रुपन्देही जिल्लाको तिलोत्तमा नगरपालिका–८ स्थायी ठेगाना रहेका केसीको बागलुङमा मतदाता नामावलीमा नाम नभएपछि मतदान गर्न नपाएका हुन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788705448.jpeg)
-1786602170.png)
-1786513116.png)
-1788425345.png)
