निगमलाई नाफा भएपनि इन्धनको मूल्य नघट्ने

अर्थ समाचार

नेपाल लाइभ बिहीबार, कात्तिक १७, २०७९ २०:०१

काठमाडौं– नेपाल आयल निगमले इन्धनको उपभोक्ता मूल्य नघट्ने जनाएको छ। बिहीबार एक प्रेस विज्ञप्ति जारी गर्दै निगमले १५ दिनमा १८ करोड रुपैयाँ नाफा रहेपनि ऋणका कारण उपभोक्ता मूल्य नघट्ने बताएको हो।

‘अन्तर्राष्ट्रिय बजारमा पेट्रोलियमम पदार्थ बढेका कारणले विगत लामो समयदेखि निगम निरन्तर नोक्सानीमा सञ्चालन भएको छ। निगमले अझै इण्डियन आयल कर्पाेरेशन लिमिटेड र नेपाल सरकारलाई २९ अर्ब ११ करोड रुपैयाँ तिर्न बाँकी रहेको अवस्थामा समेत पेट्रोलियम पदार्थको आपूर्ति तथा बिक्री वितरण प्रणाली व्यवस्थित गर्दै आएको छ,’ निगमको विज्ञप्तिमा भनिएको छ।

पछिल्लो पटक १६ अक्टोबर, ०२२ (असोज ३०)मा इण्डियन आयल कर्पाेरेशनबाट प्राप्त पेट्रोलियम पदार्थको खरिद मूल्यसूचीबमोजिम पेट्रोल डिजेललगायत अन्य पेट्रोलियम पदार्थ मूल्य बढेर आएपनि २० महिनाको अन्तरालमा नाफामा थियो।

पुनः बिहीबार नोभेम्बर १ मा इण्डियन आयल कर्पाेरेशनबाट नयाँ मूल्यसूची प्राप्त भएको छ। जसमा पेट्रोल प्रतिलिटर ०.६१ रुपैयाँ बढेको छ। त्यस्तै, डिजेलमा ५.७६ रुपैयाँ, मट्टीतेलमा ४.०१ हवाई इन्धनमा ४.७७ रुपैयाले बढेर आएको छ।

एलपी ग्यासमा केही घटेर आएतापनि निगमले हाल डिजेल १२.१४ प्रतिलिटर घाटा र एलपी ग्यासमा २२८.८४ प्रतिसिलिण्डर घाटा भई पेट्रोल हवाई इन्धन, र मट्टितेलमा हुने केही नाफा समेतलाई गणना गर्दा समग्रमा निगमलाई आगामी १५ दिनमा करिब १८ करोडमात्र नाफा हुने विज्ञप्तिमा उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रपति पौडेलसँग भारत, भूटान र माल्दिभ्सका एनसिसी प्रतिनिधिको शिष्टाचार भेट

बुलबुले गुरुयोजनाको शिलान्यास

दुर्घटनामा परेकाको निःशुल्क उपचार गर्न माग