काठमाडौं- सत्तारुढ गठबन्धनका शीर्ष नेताहरु कार्यदलका सदस्यहरुसहित राखेर शनिबार ४ बजे बैठक बस्दैछन्। शनिबार बस्ने बैठकबाट सिट बाँडफाँट जसरी पनि टुंग्याउने ‘सहमति’ भएको कार्यदलका एक सदस्यले जानकारी दिए।
उनले शनिबार बस्नै बैठक सम्भवत: सिट बाँडफाँटका लागि निर्णायक हुने बताए। बाँडफाँट नटुंग्याइ बैठकबाट निस्किन नमिल्नेगरी नेताहरुलाई खबर गरिएको उनको भनाइ छ। उनले भने, ‘आजको बैठकमा दाबी होइन। सम्झौता गर्ने ‘बटमलाइन’ लिएर आउन सबै दलका नेताहरुलाई भनिएको छ।’
यसअघिका बैठकमा आ-आफ्नो पार्टीबाट दाबी मात्रै पेस गर्दा सहमति नभएको उल्लेख गर्दै यसपल्ट सम्झौता गर्न सकिने विन्दु तय गर्न भनिएको उनी बताउँछन्। उनका अनुसार केन्द्रमा केही कममा चित्त बुझाउने दललाई प्रदेशमा त्यही अनुपातमा बढाउन सकिनेगरी प्रस्ताव अघि सारिएको छ।
आफूले दाबी गर्दै आएकोमा कम्तिमा १५ देखि २५ प्रतिशत कम गरेर पार्टीमा सहमति जुटाएर आउँदा बाँडफाँट मिल्ने आकलन नेताहरुको छ। जसअनुसार हाल १०० सिट दाबी गर्दै आएको कांग्रेस ८५ सिट भन्दा तल झर्नु पर्नेछ।
यसअघिकै बैठकमा कांग्रेसले ९० सिटमा झर्न सकिने संकेत गरिसकेको थियो। त्यसैगरी ६० सिट दाबी गरेको माओवादी ४५ मा झर्नुपर्नेछ। ४० वरपर सहमत हुनेगरी माओवादी तयार हुँदा मिलाउन सहज हुने कांग्रेस नेताहरुको आशय छ।
त्यसैगरी, ४० दाबी गरिरहेको एकीकृत समाजवादीलाई २० वरपर सहमत हुन र ३२ सिट मागिरहेको जसपालाई २० भन्दा केही कम सिटमै सहमति गर्न दबाब परेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
