झापा १ विश्वप्रकाशलाई छाड्ने संकेत, ओखलढुंगामा माओवादीबाट राम कार्कीको एकल सिफारिस

राजनीति

नेपाल लाइभ आइतबार, भदौ १९, २०७९ १६:५२

ओखलढुंगा– माओवादी केन्द्रबाट ओखलढुंगामा राम (सुरेन्द्र कुमार) कार्की प्रतिनिधि सभाका लागि एकल उम्मेदवार सिफारिस भएका छन्। उनी यसअघि (२०७४ सालको निर्वाचनमा) झापा १ बाट निर्वाचित भएका थिए। कांग्रेस उम्मेदवार विश्वप्रकाश शर्मालाई पराजित गर्दै उनी विजयी भएका थिए।

अहिले उक्त क्षेत्रबाट सत्ता गठबन्धनले शर्मालाई उठाउने संकेत देखिएको छ। कांग्रेस महामन्त्री शर्मालाई झापा १ छाड्नकै लागि माओवादी केन्द्रका केन्द्रीय कमिटी सचिव रहेका कार्कीलाई ओखलढुंगाबाट प्रत्यक्ष उम्मेदवार सिफारिस गरिएको नेताहरुको भनाइ छ।

कांग्रेसले भने सर्वसम्मत सिफारिस गर्न सकेन। प्रतिनिधि सभाका लागि केन्द्रीय सदस्य तथा पूर्व जिल्ला सभापति प्रदीपकुमार सुनुवार, केन्द्रीय सदस्य तथा पूर्व सांसद रामहरि खतिवडा, खिलानाथ दाहाल र बालकृष्ण दाहालको नाम सिफारिस गरेको छ।

समानुपातिकमा भने ५ जना सिफारिस भएका छन्। प्रतिनिधि सभा समानुपातिकमा महेश कोर्मोचा, गोमा केसी, बाला अधिकारी, डेकराज भट्टराई र हेमालक्षी राई छन्।

उक्त क्षेत्रबट नेकपा एमालेबाट यज्ञराज सुनुवार सांसद छन्। एमालेले अझै उम्मेदवारको टुंगो लगाइसकेको छैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुक्खा हिउँदले आफूहरूलाई मार परेको बिजुली उत्पादकहरूको गुनासो

जनस्वास्थ्य सुरक्षाका लागि कुष्ठरोगी र हात्तीपाइले प्रभावितलाई स्वास्थ्य बीमा

जङ्गली रातो बाँदर 'कृषि हानिकारक वन्यजन्तु' घोषणा, के के छन् सर्तहरु?