प्रचण्ड चितवन–३ बाट उम्मेदवार सिफारिस

राजनीति

नेपाल लाइभ आइतबार, भदौ १९, २०७९ १६:०९

चितवन– नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ चितवन–३ बाट प्रतिनिधि सभा सदस्य उम्मेदवार सिफारिस भएका छन्।

आइतबार बसेको माओवादीको क्षेत्रीय निर्वाचन परिचालन समिति बैठकले प्रचण्डलाई सर्वसम्मत एकल उम्मेदवार सिफारिस गरेको नेता गोपाल न्यौपानेले जानकारी दिए।

प्रचण्ड यसअघि २०७४ को निर्वाचनमा पनि सोही क्षेत्रबाट प्रतिनिधि सभा सदस्य निर्वाचित भएका थिए। उनको नाम यसअघि गोरखा–१ बाट पनि सिफारिस भएको छ। यद्यपि, प्रचण्डले आफू चितवन–३ बाटै चुनाव लड्ने स्पष्ट गरिसकेका छन्।

बैठकले चितवन–३ अन्तर्गतका दुवै प्रदेश सभाका लागि समेत प्रत्यक्षतर्फका उम्मेदवार सिफारिस गरेको छ। प्रदेश ३ (क) मा प्रकाश कँडेलसहित तीन जना र ३ (ख) मा गोपाल न्यौपानेसहित ८ जनाको नाम सिफारिस भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुक्खा हिउँदले आफूहरूलाई मार परेको बिजुली उत्पादकहरूको गुनासो

जनस्वास्थ्य सुरक्षाका लागि कुष्ठरोगी र हात्तीपाइले प्रभावितलाई स्वास्थ्य बीमा

जङ्गली रातो बाँदर 'कृषि हानिकारक वन्यजन्तु' घोषणा, के के छन् सर्तहरु?