काठमाडौं– सत्तारुढ दल नेपाली कांग्रेसले उम्मेद्वारहरुको सिफारिस गर्दा कुनै पनि प्रकारको रकम माग र रकम नउठाउन निर्देशन दिएको छ।
सोमबार कांग्रेस मुख्यसचिव कृष्ण पौडेले एक प्रेस विज्ञप्ति जारी गर्दै प्रदेश कार्यसमिति, जिल्ला कार्यसमिति, प्रतिनिधि सभा क्षेत्रीय कार्यसमिति र प्रदेश सभा क्षेत्रीय कार्यसमितिलाई निर्देशन दिएको हो।
नेपाली कांग्रेसको विधान २०१७ (संशोधन) सहित नेपाली कांग्रेसको नियमावली २०७६ को व्यवस्था बमोजिम पार्टीको क्रियाशील सदस्य तथा लाभको पदमा रहेका पार्टीका पार्टीलाई बुझाउनु पर्ने लेबी बाहेक अन्य कुनै प्रकारको रकम नउठाउन निर्देशन दिएको हो।
पार्टीको निकायबाट आशन्न प्रतिनिधि सभा सदस्य र प्रदेश सभा सदस्य पदको निर्वाचनका लागि उम्मेद्वारको नाम सिफारिस गर्दा नगद रकम माग गरिएको जानकारी प्राप्त भएको भन्दै कांग्रेस केन्द्रको गम्भीर ध्यानाकर्षण भएको र विधानविपरीत त्यस्तो कार्य नगर्न, नगराउन निर्देशन दिएको कांग्रेसका मुख्यसचिव कृष्ण पौडेलले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
