काठमाडौं- श्रीलंका राष्ट्रपति गोटाबाया राजपक्षेले राजीनामा दिएसँगै नयाँ राष्ट्रपति चयनका लागि संसद बैठक बोलाइएको छ।
संसदका सभामुख यापा अभयवर्धनाले प्रधानमन्त्री रनिल विक्रमसिंघे देशका अन्तरिम राष्ट्रपति बनेको बताए। विक्रमासिंघेले आज शपथ लिनसक्ने बताइएको छ।
सभामुखले राष्ट्रपतिको चुनावका लागि शनिबार संसद बैठक बोलाइएको छ। सभामुखले प्रदर्शन गरिरहेकाहरुलाई शान्ति कायम राख्न अपिल गरेका छन्। यसका साथै उनले सबै सांसदहरुलाई संसदीय प्रकृयामा हिस्सा लिन आग्रह गरेका छन्।
राजपक्षे बिहीबार सिंगापुर पुगेका थिए। सिंगापुर पुगेको केही समयपछि नै उनले इमलेमार्फत श्रीलंकाका संसदका सभामुखलाई राजीनामा दिएका छन्।
श्रीलंकाका राष्ट्रपति गोटाबाया राजपक्षेको राजीनामाको समाचार सार्वजनिक भएसँगै प्रदर्शनकारीहरुले उत्सव मनाउन सुरु गरेका थिए। सामाजिक सञ्जालमा प्रदर्शनकारीहरु एकजुट भइरहेको तस्बिरहरु सार्वजनिक भइरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
